Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
今日想為一位巴打解答一條超級短嘅問題，佢前幾日腥email嚟大約問我：
『Man，如果果個女仔係reject過我，咁係冇可避免碰面下而碰面，咁我應該見到都唔打招呼，直行直過？
定點一點頭？定係好唔正經咁再聊佢？定係應該點做好呢？唔該。』
好好嘅一條問題，亦都係唔少男士會怕見面尷尬而出現嘅普遍情況。
咁喺呢一個情況之下，有幾點你可以注意：
＃1 女仔對你嘅attraction係每一秒都改變緊。
意思係，佢上一分鐘可能對你好吸引，但係可能下一分鐘突然之間失去興趣。
相反地，佢上一個月reject過你，但係你下一個月撞到嘅時候亦都可能因為你嘅改變而再次被你吸引。
所以要小心，千祈唔好因為過去一啲嘅事情嘅好與壞，至覺得自己永遠溝唔到一個女仔或者已經完全俘虜咗佢個心。
每一秒嘅行為表現，每一秒嘅interaction都係有機會『升溫』或者『降溫』。
＃2 我想你記住呢一點，Rejection is NOTHING，it just means she’s not ready yet.
即係話，佢所謂『拒絕你』，並唔係拒絕你成個人，佢只係佢絕你當時嗰一刻嘅『低價值』行為表現，只係話你知嗰一刻你製造唔到佢想要嘅感覺。
例如你approach佢，佢reject你，可能係因為你太過直接，太過『強勢』，
太過無social awareness喺唔適當嘅場合講唔適合嘅嘢，打扮得太過浮誇，太過玩嘢feel，太過nice等等…
又或者根本嗰日佢真係啱啱touchwood死老豆，俾老闆炒魷魚，要幫細佬還大耳窿數，
琴日俾男朋友飛等等我哋永遠冇可能知道+冇可能控制到嘅現實情況出現咗，
所以無論你做啲咩，佢都係會reject你。
唔好自己對號入座，覺得一定係自己做錯嘢先；唔係嘅話， 你就會無啦啦畀人哋影響自己自尊心。
＃3 所以你之後有機會再撞到佢嘅時候，你要當乜事都冇發生過，唔好因為過去嘅一啲小事情而影響到依家當下嘅interaction。
你要表現到以前佢畀你嘅所謂『拒絕』喺no big deal，你要繼續成為一個有魅力，識得social嘅高地位男人，略略微笑打招呼。
佢應唔應你喺一回事，但係如果你扮曬嘢見唔到佢，
佢就知道你係一隻受傷的小動物，仲係因為過去一啲事情而受到傷害，所以依家咁保護自己。
另外如果你有咁多機會都碰到面，咁你更加唔好太過gamey，唔好逗留得太耐去嘗試撩佢傾偈或者溝佢；
你每次見到面，都係應該以一個social嘅心態去短短傾幾分鐘，並且用我教你嘅F+C Formula去略略spark attraction，跟住走人。
咁樣你每次小小嘅flirting先可以令到佢想要更多，就好似任何一個賣毒嘅drug dealer，每次畀少少你，等你上咗癮之後，你就會好自自然然搵佢再攞多啲。
拿拿拿，呢件事係好邪惡，而我亦都喺絕對反對任何吸毒嘅行為；
但係如果你溝女可以做到咁，咁你哋再次碰面嘅時候，佢係應該會仲緊張過你！