Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
【宣布：由於最近收咗唔少嘅private coaching clients同埋有時會一日收到近50封email問題，所以我係需要一段時間先至覆到大家嘅問題；
各位巴打絲打請見諒同畀啲耐性，我係會喺7-10日覆返你嘅，唔該曬！:-)】
＃０近排有好多巴打問我關於conversation傾計嘅問題，唔係好識得點樣製造有趣嘅對話或者點樣透過對話同女人建立connection。
所以今日就想好快分享幾個小貼士，協助大家解決唔知講咩嘅問題。
＃１首先，你可能會記得我講過，
同女仔傾計係需要建立emotional connection，而你係應該根據佢所講嘅內容背後嘅emotions，連繫到相應情感嘅相關經歷。
當你能夠relate到自己曾經感受過相應嘅emotions之後，更好嘅做法就係進一步relate落個女仔度。
＃２ 譬如：當個女仔同你講過佢去泰國嘅經歷，
我哋好多時都會好容易relate落自己度，同佢講番有一次你都去過泰國，又或者你從來冇去過泰國。
雖然呢個方法唔錯，但係下次你可以試下喺講你自己個人經歷之前，
嘗試想像一下個女仔同你講佢嘅泰國經歷其實背後有乜嘢meaning呢？
其實對佢有乜嘢特別意義呢？
＃３ 你能唔能夠進一步協助佢bring out更多開心回憶細節呢？
又或者你能唔能夠進一步引導佢再講多啲佢嘅假期有幾精彩呢？
任何人最精彩嘅話題都係關於佢自己；
所以你咁樣做，就能夠製造機會畀女仔講多啲關於佢感受嘅嘢，令佢更加emotional，之後先再去relate落自己經歷會更加好。
＃４ 第二樣嘢就係，同人傾偈最好就係be observant，
100% be present，細心觀察對方嘅外觀同埋行為舉動。
留意下對方當日嘅appearance
e.g. 佢點著衫，佢有咩飾物，佢髮型有冇改變，佢嘅指甲有冇油顏色，佢帶出嚟嘅袋等等。
幾乎每個女人出街之前，都會花唔少心機同時間去打扮自己外表；
佢哋係會睇下個袋襯唔襯對鞋，自己條腰帶襯唔襯條裙，佢帶嘅耳環襯唔襯自己嘅飾物 etc.
＃５ 絕大部分人都係無留意呢啲嘢，所以如果你留意到呢啲細微位，
女人係會非常開心，佢係會appreciate你嘅細心同觀察力。
再加上，一啲首飾珠寶accessories可能有背後嘅故事，對女仔會有特別意義；
你留意到之後，有時可能會增加其他傾計嘅話題。
＃６ 第三樣嘢就係，透過你嘅同理心／empathy去理解對方所講嘅嘢。
當某人講及自己嘅興趣／激情／passion／強烈嘅觀點等等，你係可以有三個回應嘅選擇 。
你可以好快agree同佢講話『我都係XYZ』，又或者你可以disagree反對佢所講嘅嘢，
又或者你可以深切地顯示你明白點解佢有咁樣嘅興趣／激情／passion／觀點，無論你自己認唔認同佢有咁樣嘅意見或者諗法。
＃７任何人都想被其他人明白，任何人都想被其他人understood；
如果你能夠客觀地透過empathy理解對方嘅感受，對方係會感覺好舒服，同你好有connection／連繫。
所以如果女仔同你講話佢好鍾意煮嘢食，你唔一定都需要鍾意煮嘢食先至可以同佢connect。
＃８ 只要你能夠顯示你明白背後原因點解佢咁鍾意做嗰件事，能夠講出背後佢做某樣嘢嘅emotions，
話俾佢知『佢咁鍾意煮嘢食，可能喺因為煮嘢食令到佢感覺自己好有創意好free好自由』，咁樣女仔一樣同你可以connect得到。
再加上，
如果你講嘅時候能夠以有passion嘅語調去講，你就能夠好快地同女仔建立一個實質嘅連繫。
所以請你今個星期馬上運用以上三個小貼士，練習如何同女仔建立連繫喇！
希望今集幫到你！