如何處理拜金女？(Part 3 of 4) How To Deal With Gold Diggers？[溝女]

Yo! 我喺MTFU嘅Man神啊，歡迎嚟到新一集嘅ManTheFvckUp，

 

協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。

 

＃1 琴日我哋就講咗，

 

拜金女好多時會利用『committed relationship』嘅藉口，去嘗試撳停你嘅sexual advance，

 

利用將來可能發生嘅『性愛』，去迫你落一種特定嘅關係。

 

但係有時候，一啲更加直接嘅拜金女，

 

就會一開頭明示暗示你，叫你畀錢佢洗或者幫佢交學費等等。

 

＃2 佢哋可能講嘅嘢就係類似『哎呀，好大壓力呀，個個月都要交卡數，搞到我真係好唔開心囉。』／

 

『唉，如果我唔使成日煩住唔夠錢洗，咁我哋就可以出多啲街啦。』／

 

『死啦！如果呢個禮拜五之前交唔到學費，咁就大鑊啦，點算？』／

 

『我哋唔可以出咁多街啦，我唔夠時間返工做嘢呀，冇錢真係好煩囉。』

 

 

＃3 點解咁多男人聽到呢啲說話，都有種衝動去幫個女仔交學費／津貼佢生活費呢？

 

原因就係，

 

好多男人都有『白馬王子狂想症』，總會幻想自己成為英雄救美嘅嗰一個騎士，

 

所以好多nice guy／好男人都會想嘗試幫女人解決曬佢嘅問題／困難／困境，希望能夠令到女人開心。

 

所以每當女人提及呢啲『充滿危機』嘅問題，

 

好多好男人都會突然感到事情嘅『緊急性』，之後就做咗一連串嘅非理智行為。

 

＃4 要拆解呢個騙局，你就可以透過『慚愧+贊賞+你對佢有高期望』嘅combo去反擊。

 

譬如你可以話：

 

『哎呀，咁慘呀你。我都明嘅，唔能夠自己獨立，好似其他女人咁樣有能力照顧自己有時都幾頭痛。

 

但係唔使驚呀你，我對你有信心嘅，我知道你有能力解決嘅，

 

所以你做到嘅時候一定要話我知，我一定會為你感到自豪。;)』

 

 

又或者你可以講：『Oh no，成日問人借錢都幾煩㗎。

 

我細個嘅時候呢，阿媽成日教我要自力更新，唔好問人借錢或者資助你，

 

唔係嘅話人哋就會唔再尊重你。

 

所以其實你睇我眼中，我都覺得你都係一個獨立聰明嘅女人，

 

所以你ok嘅，我相信你能夠走出呢個困局。;) 』

 

 

＃5 以上呢招之所以有效，原因就係拜金女其實係知道自己做人唔正直，

 

佢可能都希望自己可以做一個財政獨立嘅女人，所以佢暫時唔能夠成為嗰一個又叻又有能力嘅現代女性佢都會有少少慘愧。

 

 

所以當你開頭透露你明白佢感受嘅shame，之後再透過讚賞，顯示你expect佢有能力處理自己問題，

 

咁樣你就能夠漂亮地逃過佢嘅陷阱，又能夠啟發佢成為一個更好嘅人，

 

what a fvcking genius idea！:D

 

＃6 Anyway，聽完呢幾集你都應該明白拜金女嘗試操控你嘅招式，並且明白點樣去處理呢啲陷阱；

 

但係你可能會問，『Manson，我大把錢啦，使乜驚呢d拜金女呀？』／

 

『Manson，我幾百億身家，佢呃得我幾千萬，我咪當做善事比乞兒囉，有咩問題！？』／

 

『Manson，我都係當包二奶／做下sugar daddy啫，你情我願，各取所需，唔需要擔心喎？』

 

聽落好似好有邏輯呀，咁深奧嘅問題，

 

就係返我哋聽日最後一集嘅拜金女Part 4一齊探討！

 

希望今集幫到你！