Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
今日想好快教各位巴打比較進階嘅技巧，就係點樣處理當女仔問你『你有冇女朋友架？』嘅呢條問題。
因為當你開始掌握到點溝女嘅時候，開始自然地暗示到你係一個有好多選擇嘅高價值男人嘅時候，
而個女仔對你有興趣嘅話，女仔好多時會不經意地問你有冇女朋友。
喺呢個位你必須識得點樣處理，令到佢唔會突然之間對你失去希望或者吸引力。
當然，女仔問得你呢條問題嘅時候，其實好明顯地佢對你有興趣，
並且佢係嘗試同你建立rapport，建立一種融合嘅關係。
所以喺呢個階段，你係絕對可以去略略地break rapport，令到女仔更加想追你並且build rapport。
另外一種方法去誘導女仔問你呢條問題，就係你同佢傾計嘅時候，
略略講下男女朋友或者relationship類型嘅話題，引誘佢問你有冇女朋友。
好，你明白呢個背景之後，以下就係你點樣回應嘅重點：
＃1 當女仔問你有冇女朋友嘅時候，你主要都係唔好太認真地答佢，尤其是你真係有multiple relationships 嘅時候。
所以佢問完你之後，你就可以玩下嘢做下戲。
首先你就同佢講『冇呀』，並且同時低頭+望落好似好唔開心+擰擰頭咁樣，
等一兩秒之後，望返上嚟，跟住略帶開心略帶奸笑地同佢講：『不過我有六個女朋友囉 :D』
＃2 雖然有啲女仔會知你講緊笑，但係有啲女仔係會真係愕然，係會buy into your frame。
你要記住嘅係，無論佢畀咩反應你，
你都要保持呢一個『我有好多女朋友』嘅frame同佢一齊玩嘢，一齊喺呢一個『現實』之中繼續傾計吹水。
譬如話，當你講完自己有678個女朋友，有啲女仔就會話『下！六個女朋友咁多！？』
你就可以答佢：『係呀，都幾好架，佢哋都認識大家嘅，有時我哋仲幾個一齊出街，搞到我都好唔得閒。』
如果女仔夠鍾意你，佢好多時都會繼續咁樣同你玩，
跟住同你講類似『嘩，咁你個lifestyle都幾癲喎，我從來都未聽過其他人類似咁樣。』
跟住你就可以略略challenge佢：『下，你唔係唔識Dan Bilzerian呀嘛？最top嘅男人都係咁㗎啦。』
之後就可以賴落去講話：『Anyway，同你傾咗咁耐，我感覺你似乎都幾sweet嘅，
所以講個秘密畀你聽啦，其實呢，我最近考慮緊要埋第七個女朋友，
如果你繼續表現得好，或者都可以將你擺咗第七位嘅 ;)』
鍾意你並且識玩嘅女仔，係幾乎必定會同你講『唔得喎，我要做第
一位喎！』
所以你就可以繼續玩：『下！但係我哋啱啱先識㗎咋喎。』
佢就可能會繼續講：『唔得喎，我做唔到第一位，我就唔會做你女朋友囉！』
你就可以好白痴地答番佢：『嘩，咁麻煩嘅你…唔…我諗到點樣啦…
嗱，講明先，我從來都冇咁樣做過㗎，
但係你今日表現得咁sweet，所以我就破例少少，畀你插隊升兩級做我第五位嘅女朋友啦！
嗱嗱嗱，你唔準同人講㗎，唔係好大件事㗎。』
個女仔就可能再次反抗你，同你講話『唔得囉！我一定要做第一位囉！』
你就可以最後講：『Well，我諗以你嘅聰明才智，你遲啲都好有機會成為第一位嘅。
不過你要逐步升級先得喎，可能你要帶我出街玩好幾次，送一啲我鍾意嘅禮物畀我，間唔中預備啲surprise比我等等囉。
所以如果你好努力嘅話，我相信你嘅夢想一定會實現嘅，畀心機呀你，我支持你 ;)』
各位巴打，唔好諗住以上嘅例子好白痴，喺現實唔會work。
事實係，女仔當然知道你講緊笑啦，
但係亦都係因為呢啲小學雞白痴嘢，任何年紀嘅女仔都好享受呢啲小朋友玩嘅遊戲。
無論佢真係18／22，定係佢已經三十幾，呢啲都係最簡單，最能夠同時表達F+C元素嘅溝通例子。
你要記得永遠保持輕鬆玩嘢嘅氣氛，有時認真有時講笑嘅語氣，並且留意我頭先講以上說話時候嘅語調。
最後，你應該聽咗我上個禮拜講嘅『同時溝幾條女嘅重要性』果一段片，
所以喺呢個階段，你要記得以上呢個例子，
咁樣你就會識得點樣處理，每逢女仔問你有冇女朋友呢種情況嘞。
希望今集幫到你！:D