Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 你應該記得，我上個星期畀咗五個小貼士你，
解釋咩叫做有吸引力嘅body language，所以我預期你明白點解身體語言對你溝女成功咁重要；
今日我就想好快簡單地教你點樣進一步開始改善自己嘅身體語言。
＃2 首先要明白嘅係：
第一步令到自己開始擁有好嘅BL，就係專登地以限制特定嘅方式去移動身體，並且去除任何冇需要嘅身體動作。
一啲冇需要嘅movements，其實係代表你好緊張。
所以第一步就係慢慢地，故意地，有目的性地去以controlled嘅方法，
根據上星期嗰段片我教你嘅嘢去移動身體，用眼望嘢嘅時候就慢慢望唔好急。
＃3 你咁樣能夠以controlled嘅方式去移動自己，你就能夠向世界投射一種有力量同有自信嘅態度，
令到周圍嘅人未同你傾計之前，已經畀正面嘅印象你。
所以唔好再fidget／坐立不安，唔好喺度自己玩自己手，
唔好不斷旭你個頭四圍望，好似成隻獵物咁樣好驚畀人哋攻擊，
望嘢嘅時候唔好鬼鬼祟祟賊眉鼠眼咁樣。
＃4 仲有大部分時候，你都冇需要翹住隻手放喺心口，
咁樣唔係表達你好似『補習天王』咁好似好有權威，
咁樣只係代表你個人好closed off，一啲都唔open，長期處於保護自己嘅狀態。
坐低嘅時候唔好係咁『銀腳』，
行路嘅時候無需要永遠跟隨人群嘅節奏，just walk with your own pace。
＃5 Now，當然你去到一啲唔常見嘅場地，你好自然地會係緊張嘅。
例如一啲夜場nightclubs，音樂又大聲嘈吵，
燈光又不斷閃爆眼，四周圍又係一啲唔熟識嘅陌生人，
所以你唔習慣嘅話，你好自然地會係咁郁你個頭四周圍望，行路又唔自然。
＃6 所以喺類似唔舒服嘅場合裏面，你嘅自然反應就一定係增加速度去做任何嘢。
但係你就必須記住：你必須逼自己slow down 慢返落嚟，
將所有嘢轉做慢鏡模式，特登畀你正常做任何嘢嘅速度減慢一半，控制住自己嘅一舉一動。
如果你能夠喺緊張嘅場合，故意地有意識地將自己嘅任何動作減慢一半，
你身體語言嘅表達將會睇落有自信有power好多！
希望今集幫到你！