Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
你知唔知道其實只有好幾種方法能夠令到男人同女人『結合』，又或者只有好幾種方式，令到男人女人『走埋一齊』呢？
可惜嘅係，九成男人都唔識得點樣喺女人身上製造吸引力，
佢哋見到索女只會識得『追佢返黎』，只會識得送禮物／請食飯／情人節買花買朱古力『贏得佢芳心』。
結果最後係點呢？
結果就係，女人會對呢啲男人心存感恩之心，覺得佢好nice好好人，
但係始終冇feel，所以佢好希望同呢個男人繼續做好朋友，sad but true。
但係有時候，有啲男人係明白點樣去製造吸引力，
佢識得用特定嘅方式去同女人communicate，佢識得點樣製造一種令女人『不能自控』身體同情感嘅感覺，
最後女人就會同呢種男人『結合一齊』。
當然呢樣嘢發生嘅時候，通常會有兩種情況發生。
有時候，嗰啲男人係明白吸引力係需要維持一世，
佢絕對唔會因為溝到女之後就懶惰妥協自己，唔會成為一個needy／低價值／overshare自己情感嘅悶蛋。
嗰啲男人係保持自己嘅edge，
繼續提升自我價值同lifestyle，繼續征服自己嘅使命，
繼續喺任何大事小事上面保持情緒鎮定／remain unreactive，繼續challenge女人成為更好嘅人，
咁樣佢先至長遠地繼續令女人對佢有興趣。
但係好多時，曾經成功過嘅男人會變得懶散，佢嘅行為舉動越嚟越捕捉得到，
越嚟越predictable，做嘅嘢重複又重複完全冇新奇刺激感，
佢開始變得依賴／太過黐身黐細／太過冇主見／太過聽曬女人話／太過漫無目的地生活，
所以原本鍾意佢嘅女人，慢慢地就會對佢失去所有嘅吸引力，好快亦都會直接間接地離開佢。
你要永遠記住呢個簡單嘅事實：
對女人嚟講，attraction／吸引力係一種過程／process，而唔係一種突然發生嘅事件／event。
女人對你嘅attraction就好似一種血壓計或者燈光調節器，
係需要慢慢泵上去／變得越嚟越光，係需要時間去令佢越嚟越鍾意你，
而佢鍾意你嘅強弱程度，亦都可取決於每一個moment你令佢感受到啲乜嘢。
所以以下會分享幾個小貼士教你點樣從女人身上製造吸引力：
Tip＃1：記住要以你嘅雄性力量為中心，保持你嘅masculine strength，保持你嘅上把位
好多男人一對某個女人有興趣，就會馬上成為一個緊張弱雞站不住腳嘅小公公，更加會白痴地讓女人知道佢對佢非常有性趣。
你千祈唔好咁做！你一定要堅強啲，揶揄吓佢，淘氣地challenge佢，要去篩選佢。
如果佢覺得自己好型，你可以玩下佢playful地串下佢。
如果佢覺得自己好聰明，你可以試下同佢『為一啲小事扮曬嗌下交』。
如果佢完成某啲好自豪嘅事，你可以稱讚佢但係之後同佢講佢可以做得更加好。
全部都係話畀女仔知你係一個strong alpha male，你challenge佢成為一個更優秀嘅人類，並且你哋之間正式game on，睇下佢有冇咁樣嘅質素；能耐接受挑戰。
Tip＃2：間唔中一定要tease下佢
Teasing其中一個意思就係輕輕地嘲笑佢，令到佢覺得自己嘅行為有啲白痴／好蠢／好渣／冇品味／冇朋友／成個男人咁／無friend／俾人縱壞咗／好失敗，
目的就係令到佢感覺有少少insecure／有啲渣／有啲尷尬／好樣衰／被人誤解／好低b等等。
例如：當你準備錫佢嘅時候，你可以喺你哋兩個嘴唇差唔多接近嘅時候，
即刻停止，唔去錫佢，跟住傾後返自己個身，望住佢奸笑。
例如：當你哋係一啲情感高潮位嘅時候（e.g. 佢係咁笑你講嘅嘢），
你就可以有優越感地講話：『Wow，你依家真係好鍾意我喎。』，
跟住如果佢馬上講類似：『痴線／你都傻嘅／咩呀邊有喎！』，咁你都明白佢好可能真係鍾意你。
所以teasing係一個非常好嘅方法去製造吸引力，你間唔中必須喺對話之中加入呢種元素。
Tip＃3：永遠保持神秘感嘅元素
每一次你變得太過predictable，
每一次女人覺得已經知道曬你嘅一切，
每一次你太有秩序規律地畀佢知道曬你一舉一動，女人就唔會再覺得你有挑戰性，唔再覺得你有吸引力。
所以記住，你冇需要每日都搵佢傾計講你做咗啲咩／你有幾愛佢，
你冇需要樣樣嘢都100%話曬畀佢知，
你冇需要次次出街都係做一啲重複嘅『行街睇戲食飯』，
永遠要記得加入一啲新奇嘅元素，間唔中製造一啲見唔到大家嘅barriers，間唔中要畀佢知道佢有好多競爭對手想要你。
以上就係從女人身上製作吸引力嘅三大tips，
只要你唔好成為一個預計得到嘅悶蛋，
只要你大部分時間都係stay in control成為領導女人嘅上把位，
只要你間唔中F+C地激發一啲化學反應，喺關鍵嘅時刻製造一啲sexual tension性緊張感，
任何你選擇嘅女人就會不斷被你吸引，不斷對你有興趣，不斷想要更多嘅你！
希望今集幫到你！