Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
恭喜曬已經下載免費43頁溝女書嘅巴打們，相信你已經明白10樣女人暗地裡想你知道嘅秘密。
仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。
好多人都話做人需要勇敢啲，多啲勇氣；但係今日我同你講，其實我哋都高估咗『勇氣』嘅重要性。
你唔需要每一秒都live courageously，事實上，你可以99.9%嘅時間都可以成為一個弱小嘅『懦夫』。
點解？
因為你只需要20秒嘅勇氣。
你只需要20秒嘅勇氣去攞起個電話，打畀嗰一個『超級大客』同佢講你公司最新最適合佢嘅產品或者服務。
你只需要20秒嘅勇氣係一個social場合或者party上，行去同一啲陌生人或者合你眼緣嘅女仔打招呼傾計。
你只需要20秒嘅勇氣去舉手，volunteer自己上台分享你一啲睇法感受。
你只需要20秒嘅勇氣去跳落去嗰一個睇落好似好凍嘅游泳池，好似好驚嘅bungee jump，又或者玩嗰一次跳傘。
你只需要20秒嘅勇氣去控制自己情緒，唔好喺女人發癲嘅時候同佢一齊行動升級。
你只需要20秒嘅勇氣去同你嘅好朋友講出事實，講出冷酷難接受嘅真相。
以上嘅所有例子，所有致勝關鍵或者defining moments，都係最多只需要你20秒嘅勇氣。
當嗰20秒過咗去，你之前腦裏面所想像嘅恐懼或者憂慮都會馬上消失。
Fear恐懼絕大部分嘅時候都係你同自己玩嘅mindgames，只係一啲係虛擬世界能夠存在嘅嘢，當『現實』出現嘅時候，你嘅『幻象』亦都會馬上減退。
Fear恐懼大部分嘅時候都係出現喺你anticipate，你『預料預期』嗰一個階段，係喺『嗰件事』發生之前嘅一種不安感，而唔係『嗰件事』令到你恐懼。
就例如跳傘，美國麻省理工大學做過一個實驗，佢哋嘗試測量跳傘嘅人嘅心跳。
研究發現，當飛機升得越高嘅時候，跳傘嘅人嘅心跳係會升得越高；但係當佢哋喺飛機跳出去嗰一刻嘅時候，佢哋嘅心跳竟然係馬上下跌。
意思係：
最令人感到大壓力嘅係你對於一件事嘅anticipation，對佢嘅『期待』；但係當嗰一樣illusion『幻象』消失+『現實』出現嘅時候，你嘅恐懼就會消失！
所以想問你，當你嚟緊遇上恐懼嘅時候，你應該點做呢？
你要做嘅好簡單，你唔撚好聽你大腦同你講嘅千千萬萬藉口，屏息靜氣，暫時忽略你身體畀你嘅任何化學反應，跟住向住恐懼走過去。
Feel the fear and do it anyways，喺20秒之內，你就能夠打破你恐懼嘅框框。
你幻想一下，如果一日裏面24小時，你只喺花3次嘅20秒去做一啲令你恐懼嘅嘢， 你估下你可以以幾多倍嘅方式，去增加你想要嘅嘢嘅成功率？
你可以為你自己創做幾多次嘅突破？
你每一日會感覺到多咗幾多energy，每一日會興奮幾多？
你嘅等價交換只係需要20秒嘅勇氣， 你又會唔會喺24小時之內， 花3次嘅20秒去做一個勇敢嘅人呢？