Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
咩先叫做personal power／個人權力，點樣先可以令自己唔再咁奈弱，可以係世界強大啲呢？
＃1首先要明白，話明係personal power，你強大嘅權力絕對唔可以依附喺外在因素上面，亦都唔能夠透過external嘅嘢去得到；
個人權力一定係internal，一定係發自內心，由心出發嘅。
＃2 要記住：你現在所擁有嘅知識，你呢一刻有意識地+潛意識地知道嘅所有嘢，有時係會限制咗自己嘅imagination，局限咗自己嘅想像力。
=》所以你想擴闊自己嘅視野，你想了解自己多啲嘅話，
你就一定要永遠保持一個beginner’s mindset，當自己咩都唔識，你先至能夠從人哋身上睇到其他可能性。
＃3 所以personal power／個人權力並唔係講緊將自己嘅力量凌駕於其他人身上，
因為如果純粹係為咗『鬥勁／鬥屈機』嘅話，總會有人係畀你externally勁，呢種又唔再係personal power。
＃4 咁究竟我哋點樣先至可以培養自己嘅個人權力呢？點樣可以獨立地提升自己嘅personal power呢？
以下就係一系列你必須develop嘅性格特質：
－你係忠於自己，你係對自己絕對坦白，你亦都對其他人坦白。
－你尊重自己，亦都尊重其他人，所以會預期人哋會尊重；如果人哋唔尊重你，你唔會浪費自己嘅energy去同佢爭論，you move the fvck on。
－你自己決定自己嘅emotional state，控製到自己嘅情感狀態，你愛自己所以容許自己感覺良好。
－你個人好真誠，你有信用，你說話有說服力，你係一個『對自己嘅控制狂』但係唔會嘗試control其他人嘅『控制狂』。
－你係一個dominant／支配性嘅男人，但係又唔會專橫無忌／盛勢凌人去overpower其他人。
－好重要嘅就係：你有自己決定嘅identity，你自己選擇自己嘅values／價值觀，
你知道自己係代表啲咩，而你自己嘅個人認同感唔會因為別人嘅三言兩語而動搖。
＃5 你有以上嘅性格特質嘅時候，你又會點樣面對生命呢？以下就係一啲指標：
－你係一個decisive／果斷嘅男人，你知道生命短暫，
所以你會選擇勇敢take action去活出一個充滿傳奇充滿adventure嘅生命，你會以curiosity／好奇感同passion／激情去感受唔同嘅得意嘢。
－你永遠唔會take things for granted，你知道『幸福唔係必然』，你會為所發生嘅正面或者負面嘅嘢存在感恩之心，因為你都明白佢哋出現嘅目的，係令到你更快地成長。
－你只會依賴自己，你唔會依賴其他人，你會100%對自己嘅生命負責任。
－你唔會再擔心其他人點樣諗你，因為人哋嘅睇法根本控制唔到，所以你係自由地擁有意識地活著。
－因為你係願意探索自己嘅情感，因為你能夠in touch with your own emotions，所以你都有能力去喚醒其他人嘅情感。
－ 最後同時好重要嘅就係：雖然生命係一種寶貴嘅事物，但係你對任何事情都唔會太過認真太過執著，
你會唔會take things seriously，因為你知道去到尾一切都唔重要，所以你選擇以playful／幽默／輕鬆嘅態度去享受過程。
Anyway，今集相對heavy，但係希望你能夠明白：
你呢一刻係有絕對嘅能力令到自己更加強大，
你唔需要依賴任何外在物質去令到自己感覺愉快，
你唔需要任何『官方認可機構』去證明自己嘅價值，
你最大嘅power已經喺你手上，問題係你又願唔願意勇敢彰顯自己生命呢？ 🙂
希望今集幫到你！