Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
幾乎所有學溝女嘅新手，都有一種所謂嘅Approach Anxiety行去同女仔講嘢。
雖然你應該知道，『男人驚女人』其實係一個好唔合邏輯嘅恐懼，
因為基本上男人嘅生理結構係各方面都比女人優勝，根本唔需要擔心女人會威脅到你生命。
所以其實我哋並唔係真係驚女人，我哋只係畀自己嘅自我／ego限制住自己嘅能力去識女仔。
意思就係，從進化論嚟講，男人天生就係一種competitive／競爭性嘅動物，
所以我哋好多時都會自然地以『比賽／輸贏』嘅心態去看待勝負。
雖然係好白痴，雖然係好膚淺，
但係正正係因為呢種competitiveness，我哋就會以一種競爭嘅心態去看待『識女仔』呢件事。
所以好多時我哋就會覺得成唔成功approach係一件好大嘅事，
並且我哋相信男女之間一定有贏有輸，唔係你死就係我亡，又或者如果個女仔『reject』我我就係輸咗。
面對呢一種心理上唔合邏輯嘅恐懼，有咩解決辦法呢？
答案就係：你必須reframe／重新定義『approach』呢件事，
並且喺識女仔嘅過程暗地裏加上一個篩選機制／qualification process。
男人溝女最大嘅問題，
就係太快因為對方嘅樣子外表，就馬上approve佢／qualify佢／100%接受佢整個為人，所以你就跌入咗『男追女』傳統嘅死亡陷阱。
你想得到你想要嘅女人，你唔想再做毒撚，就唔該你要有番啲standards。
直至女人多次證明畀你睇，佢除咗外表之外，佢喺擁有多種嘅內在quality，
否則你絕對唔可以咁快去完全接受佢。
當你願意加上一個篩選機制之後，根本冇女人可以reject你；
因為所有嘅女人只會喺你嘅evaluation process／評估過程之中，合格或者唔合格。
佢好冇禮貌咩？
佢好臭串咩？
佢無啦啦西你面咩？
佢拜金咩？
佢想收你做兵咩？
佢貪新忘舊咩？
佢曾經cheat過咩？
佢竟然願意飛咗而家條仔同你一齊咩？
Sorry，係佢fail咗你嘅評估過程，你係唔會想要呢啲唔成熟嘅白痴女囉！
重點就係：只要你唔好以『輸贏』嘅角度去睇識女仔呢件事，
只要你以『evaluation／評估篩選機制』去睇呢條女係咪一個有quality嘅人，你就唔會再放大『同女仔傾計』呢件事。
最後就係，記住記住，
你同女仔講啲乜嘢都唔重要，最重要係你哋傾偈當時嘅vibe／energy，令到佢有一種女人嘅感覺。
一種正面，溫暖，自然，具有穿透性但係唔會太過入侵性嘅雄性男人vibe，
係一種發自內心『鍾意女人』嘅vibe，而唔係一種『怨恨女人想透過女人證明自己』嘅負面獵食vibe。
而製造呢種正面能量嘅方法，其實九成嘅集中力都應該放喺
＃1 You’re having fun
＃2 You’re helping others have fun
當你拿捏到以上兩點之後，當你同對方都having fun之後，
你就可以開始慢慢睇下佢符唔符你嘅standards，符合嘅話先至去開始同佢connect。
今集非常重要，如果你輕視以上所講嘅基本功，你學幾多溝女技巧都係冇用！
所以如果你唔係100%肯定你啱啱學咗啲咩嘅話，唔該你再聽多次，
希望今集幫到你！