Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
恭喜曬已經下載免費43頁溝女書嘅巴打們，相信你已經明白10樣女人暗地裡想你知道嘅秘密。
仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。
今日想幫一位巴打解答佢一條『女朋友屋企人強烈反對而要分手』嘅問題，以下係佢嘅問題：
『Hi Man, 我係 J,
三個月前, 我同女朋友因為佢屋企人強烈反對, 而要分手…
因為非常複雜既家庭背景同一D 我改變唔到既理由…
即使我同佢仲係好愛大家都要被迫分手…亦已經斷絕來往好耐
佢係一個比較悲觀既女仔, 覺得絕望之後就可以放低我…唔再因為我而去同佢屋企人嘈交, 而唔開心
我當然接受唔到呢個事實, 就算所有可行既方法都試過, 都改變唔到佢屋企人…
本來應該就放棄，但我發現我真係好愛呢個女仔.
直到而家我都仲希望將來有一日佢屋企人會重新接受我，我地兩個可以重新係埋一齊
所以我無諗過要放低佢, 亦因為咁, 我既生活都唔太開心
因為我怕, 將來如果有咁既機會我地可以係埋一齊，而到時我對佢無左感覺的話, 我會好後悔
我仲係好想將來可以同呢個女仔一齊
其實我一直有睇你的片,但我真的唔知呢個情況下我應該點做好?』
以下係我嘅回覆：
『Hi J,
多謝你嘅來信同支持。我好明白你嘅感受，對住一個自己鍾意嘅女仔，因為一啲外來因素而令到兩個人唔可以喺埋一齊有時都係好無奈。
但係我作為你嘅dating coach，我亦都必須將真相講畀你聽，並且畀最好嘅建議你，所以以下有幾點你需要注意：
＃1 假設『屋企人強烈反對 』呢個係真嘅原因，你要明白，你女朋友喺『兩難』嘅情況下最後決定選擇屋企人。
原因只有一個，佢嘅屋企人相對比你更加重要。
＃2 我明白你好愛一個人嘅時候，總會想用盡一切辦法將佢留喺身邊，希望可以將最好嘅嘢畀佢。
正如你所講，所有可行嘅方法都試過都係改變唔到佢屋企人；
咁樣嘅話，如果你真係愛一個女仔，你係咪應該考慮下『喺呢個女仔嘅角度嚟講，有乜嘢先至係對佢最好？』。
既然佢選擇屋企人，既然呢一刻你哋唔可能一齊，你放手let her go，讓大家move on，唔會係對雙方更加好咩？
＃3 你話『本來應該就放棄』
Nonono，呢個唔係放棄，呢個係作為男人嘅你，為你愛嘅女人作出對佢最好嘅決定。愛一個人真係唔一定要『擁有』佢。
＃4 你話『我發現我真係好愛呢個女仔』
Bro，你知道我唔會bullshit你，所以我必須toughlove地同你講：
你呢一刻嘅行為唔係 love，而係neediness。你放唔低佢，某程度上潛意識地係因為你『依賴』佢。
意思係，你可能覺得個女仔冇咗你佢會好唔掂，只有你先至可以畀到幸福佢。
Bro，真相係，呢個世界唔會話『冇左邊個就唔得』，每個人都有自己成長嘅一條道路，你要畀一個機會自己同其他人去行各自嘅路。
去到唔同嘅階段，總會仲有其他畀我哋更適合嘅人去啟發佢哋。
所以我建議你做嘅有兩點：
＃1 呢一刻你必須放手
呢個係呢一刻對你同對佢最好嘅決定，你都唔想嗰女仔永遠咁辛苦要夾喺你同屋企人之間，係咪？
呢一刻佢屋企人反對，但係人總係會變，如果你哋各自能夠move on first，將來總有機會可以再相遇。
#2 開始積極出去認識其他女仔
我雖然話你哋將來有機會再一齊，但係如果你仍然對佢『思念不忘』而放棄自己呢段時間認識其他女性嘅機會，你只係living in the past。
呢一刻你可能覺得個女仔係『The Only One』，你只愛佢一個人。
真相係，呢個女仔只係你『視線範圍內』最有興趣嘅一個人，出面嘅世界其實係有好多個都好適合你嘅『The One』。
你必須出去擴闊自己視野，出去更加了解自己真正鍾意啲乜嘢，咁樣你先至可以有一個宏觀的視野，去選擇一個真正啱你嘅人。
（而事實上真正啱你嘅人亦都有好多個。）
希望以上幫到你，希望你明白『love also includes letting someone go』。