Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
恭喜曬已經下載免費43頁溝女書嘅巴打們，相信你開始明白10樣女人暗地裡想你知道嘅秘密。
仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。
今日亦都想幫另一位巴打解答問題，咁我哋腥email都來回咗幾次，所以聽緊今集嘅你可以睇下自己有冇類似嘅情況或者行為發生。
呢位Mr.H嘅巴打問我：
『Hi Man, 咁我其實係緊呢一兩三個月先follow你, 你D tips好好用。
而我咁啱識左條女, 咁我地平時都幾好傾, 慢慢就有D曖昧行為啦, 手都拖埋架啦。
但係個關係又好似唔係男女朋友咁, 咁我就想問下係呢個位點發展, 求你的寶貴意見.』
以下係我第一次回覆：
『Hi Mr. H, 多謝你嘅來信同支持。
畀得手你拖大部分嘅時候都已經係個女仔對你有好感，所以先至會接受你嘅身體接觸，等緊你有下一步嘅行動。
所以我想問返你，你想點樣發展先？你呢兩三個月其實見過佢幾多次，出過幾多次街先？
要小心，你再拖得太長嘅話個女仔就會覺得你好pussy，做唔到決定。
同埋，今時今日拖手仔對某啲女仔嚟講真係好小兒科，唔好將『呢件事』放得太大睇得太緊要。
要明白，喺你溝任何女仔之前，都必須清楚呢一刻你想要咩，同埋你想要嘅嘢， 係咪真係協助到你『去你將來想去嘅地方』。
Hope this helps。』
咁我答完呢位巴打之後，佢好快再補充另一條問題畀我：
『我睇左你嘅回覆啦，但唔怕坦白同你講，佢係有男朋友，但係又唔係好親密個種。
我指姐係可能最多得閒傾whatsapp，但係佢本人係話男友 ，所以我唔係太敢有進一步嘅行動。
我同佢其實都唔算出得好多街，唔太敢約，因為唔知約佢出嚟做咩。
可唔可以俾啲見意做咩好，有咩好玩，所以我都唔太清楚係點，個情況就係咁。 ps我想嘅係戀愛』
咁以下係我第二次嘅回覆：『Hi, Mr H，多謝你嘅補充。
聽你咁講，喺呢一個咁模稜兩可嘅狀態下 ，可能性有幾種：
＃1 呢個女仔真係有男朋友，而佢嘅男朋友真係『最多得閒傾whatsapp』。
如果係咁樣，坦白講，佢哋兩條友都痴線嘅，依家又唔係long d，點會淨係喺度whatsapp呢？所以我個人唔相信呢樣嘢。
＃2 呢個女仔真係有男朋友，但係佢哋嘅關係唔係你講嗰種『最多得閒傾whatsapp』，只係個女仔冇同你講佢哋之間仲發生過啲乜嘢。
如果係咁 ，即係話個女仔好有可能收緊兵，同你，同果個男仔，同第三第四第五第六個其他男仔都係講話『佢有男朋友但係唔親密』。
咁樣嘅話，同佢拖手出街曖昧嘅人亦都唔止你一個，所以你好好考慮呢個女仔值唔值得你繼續咁樣投資落去。
＃3 呢個女仔喺冇男朋友，只係用『男朋友』呢個藉口嚟shit test測試下你，睇下你會唔會因為佢講一講『男朋友』呢三個字就會嚇窒你。
如果係咁樣，你有兩個選擇。
第一，你可以抽身離去，唔再花時間落佢度；但係base on佢同你出街拖手嘅行為，我真係好懷疑佢真係有男朋友。
第二，如果呢個係純粹佢畀你嘅shit test，
咁樣你就要有一個『肖！做乜同我講有男朋友啊，根本冇其他男人比我更加適合你』嘅心態去繼續製造吸引力。
你要有一種『當其他男人唔存在，因為佢哋根本唔係你對手』嘅frame去繼續同呢個女仔相處，
你只需要繼續做我平時教你嘅push pull，做多少少challenge佢嘅行為，等佢慢慢想追你。
不過喺你做呢啲嘢之前呢，我見到你犯咗一個好多男人都會犯嘅毛病，就係你話唔知道你約佢出嚟做乜。
Bro，WTF！？
你想長時間地都有你想要嘅戀愛生活，你就必須要創造一個active嘅social lifestyle，你要首先令到你單身嘅時候，你都每個禮拜都有一啲好好玩嘅社交活動。
你咁樣做先至能夠：
＃1 因為你做嘅活動都係自己鍾意，所以能夠令到自己經常處於一個開心，有激情，充滿能量嘅嘅狀態。
＃2 吸引到更多有質素嘅女仔去你生命，因為佢哋都想參與你平時咁好玩嘅活動。
＃3 亦都係因為咁樣，你會大大十倍地令到自己唔再needy，唔會為一個女仔『雞毛鴨蒜』嘅事情，而令到你成日喺度諗佢諗緊啲乜嘢。
＃4 你咁樣建立一個充滿有質素男人女人嘅社交圈子 ，你就係創造緊一個帝國，你就係呢個部落嘅領袖。
咁多女人喺你身邊嘅時候你就會有一個非常有威力嘅pre-selection，個個女人都想爭你嘅attention，
你覺得呢個時候，你仲會唔會擔心你得唔到你想要嘅『戀愛』呢？
我相信你心裏面好清楚答案，希望幫到你！』