Welcome to <A Billion Wicked Thoughts/十億個邪惡的念頭> Ep.15，今集我哋將會探討一個對溝女非常重要有用嘅話題：就係點解女人鐘意咩男人，係會根據佢係咪處於排卵期而有所調節！
如果巴打鍾意咁嘅題材嘅話，就請你而家率先Like咗呢段片同訂閱我地MTFU嘅channel喇！
重點＃1 女人只可以喺排卵周期5日之內受孕，喺其餘嘅日子都比較難。
而人類嘅女性，喺哺乳類動物之中唯一一種願意喺排卵期以外搞嘢嘅動物，生物學家稱呢種嘅習性為『extended sexuality／延長性慾』。
點解會有呢種『生唔到仔都照搞嘢』嘅傾向呢？
生物學家解釋話，咁樣女人就可以透過sex／性愛，同男人交換資源，即使懷孕唔到生唔到仔，女人都可以得到男人嘅食物，社會資源，保護等等。
咁所以你首先要知道嘅係：女人同雌性黑猩猩一樣，佢哋都會根據自己嘅排卵周期而有兩種截然不同嘅性愛模式；喺排卵期間，女人嘅性慾喺集中喺短暫嘅利益；而喺排卵期之外嘅其他日子，女人嘅性慾就喺集中喺長遠嘅利益之中。
（巴打，我想你聽多次我啱啱所講嘅嘢，因為女人呢兩種嘅完全對立嘅性愛模式，喺解釋到極多點解女人嘅行為喺可以一時一樣，點解佢哋有時想揀情人但有時想揀男朋友／老公！）
重點＃2 如果你明白頭先所講女人性愛模式嘅短期利益同長期利益嘅話，咁你就會明白：
大部分時候（非排卵期時候），女人都係傾向想搵一個值得長遠投資嘅『筍盤』，想尋找一啲有高回報率嘅高價值男人，比較傾向選擇一個可以提供『非基因性』利益嘅男人 e.g. 食物，資源，保護能力，照顧小朋友能力。
但係極度重要嘅係：當女人處於排卵期嘅時候，女人就會突然變成玩『短線投機』嘅trader，佢會更加著重一個男人有冇『優質嘅基因』，會更加著重男人嘅外表外形外貌，同埋佢社交上嘅支配性。
換句話嚟講，當女人喺排卵嘅5－7日期間，女人就會除咗著重之前所講嘅心理性慾之外，佢會突然大大增加視覺上同身體上挑起嘅性慾反應。
重點＃3 有咩例子呢？Well，處於排卵期嘅女人，喺鍾意一啲較有雄性陽性特質嘅面孔，較masculine嘅聲線，較masculine氣味，較顯示到社會支配性嘅男人。
係呢段期間，女人亦都會調情flirt多啲，會着衫性感暴露啲，會更有興趣落bar/club進行社交活動，更願意擴闊自己得到新嘅機遇。簡單講，處於排卵期嘅女人，就係主動尋找Alpha男人去搞嘢嘅女人！
掉返轉，當女人唔係處於排卵期嘅時候，佢哋就會prefer一啲擁有比較feminine面孔嘅男人。
但要留意，呢樣嘢唔代表佢哋唔重視或者完全忽略『良好基因喚醒身體性慾嘅訊號』，呢度只係講緊佢會更加傾向睇重長遠喚醒心理性慾嘅訊號。
咁所以，女人經常都係會被一個外表身體上sexy嘅男人，而佢哋排卵期間／最大機會受孕期間，就會極想同呢種Alpha男人交配。
但其他嘅時間，女人除咗想要性感型男至外，佢亦都重視呢個男人係咪夠sweet性格好等等一系列長遠嘅因素。
重點＃4 喺排卵期期間，女人喺會有更大機會想去cheat。但原因並唔係因為對自己伴侶嘅吸引力下降，而係因為佢對其他男人嘅吸引力增加。
女人會被其他男人嘅性感程度，佢幾有性魅力，佢係咪被其他女人想掙脫等等因素而挑起自己性慾；所有集中嘅嘢，都係focus喺同呢啲男人可以有幾多性愛歡愉有關。
所以係呢段期間，女人好多時都會有意無意地拒絕被男人去偵測自己嘅行為舉動，會唔想你監察得佢咁緊；咁所以巴打你detect到你條女有呢啲行為變化嘅話，你就要小心佢其實喺想出去溝仔！
Anyway，究竟女人視覺上／身體上想要咩男人呢？你又可以點樣盡量改變自己變成女人渴求得到嘅性感型男呢？
我哋聽日下一集就會為你詳細剖釋！
如果巴打你鍾意今集嘅話，就Like呢段片同訂閱我地MTFU嘅channel喇。
有咩問題，就下面留言比我知啦，下集見！