Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
我哋琴日講咗進化論話畀我哋知，女人揀男人係睇男人嘅behaviors／行為，
而唔係去睇佢嘅『外在成就』。
今日我哋就會解釋點解『依賴性／Neediness』會絕對殺死晒你嘅吸引力。
『依賴性／Neediness』之所以會係你吸引力嘅頭號殺手，
係因為當你對住女人變得needy嘅時候，就係一種你『缺乏資源』嘅徵兆。
例如：如果你對住女人變得好依賴／好痴身，
就係一種徵兆話畀個女人知，喺你身邊喺無女人，
喺你『屋企／山洞』裏面無其他可以交配嘅機會，所以你先會咁樣做去討好奉承佢。
相反，如果你係有成打女人喺身邊等住同你交配，你對住呢個女人根本就唔會咁needy，唔會打算去『追佢』；
你喺調返轉應該『篩選佢／screen佢』睇下佢有冇條件／質素去做第十三個女人。
另外女人亦都會睇下你對住其他男人係咪needy，係咪恭恭敬敬／擦鞋／過分有禮貌。
因為如果你係咁樣，就代表你『屋企冇資源』，所以需要乞求其他男人／部落領袖，去施捨一啲資源食物畀你。
所以因為進化論，現今女人嘅擇偶機制，係對於你嘅needy behaviors非常敏感，
你一呈現一啲『依賴行為』，佢就馬上對你扣曬分。
咁你而家估下男人最有吸引力嘅行為特質係乜嘢呢？
答案就係你嘅：
獨立性／Independence +『零依賴性』／Non-Neediness
換言之，一個男人嘅吸引力喺會同佢嘅獨立性成正比；
或者，一個男人嘅吸引力喺會同佢嘅依賴性成反比！
你可能會問，咩叫做non-needy 呢？
Non-Needy就係你唔係事事服從，
你唔需要其他人去『認同／承認』你，
你嘅行為表現唔係顯得『飢渴絕望』，
你唔會好似乞兒咁樣哀求人哋。
如果你對住女人或者其他人有以上嘅特徵，
你就係一個非常Needy依賴嘅人，你學幾多溝女skills都係冇用！
今日請你客觀審視一下你嘅行為係唔係needy，
聽日我哋就會講下點樣消滅呢種『令你絕種』嘅邪惡行為特質！