Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
各位巴打，正當小弟諗緊準備啲咩材料俾你嘅時候，
突然之間靈機一觸，不如就講下好多溝女初哥會遇上嘅問題，
就係唔知道個女仔其實係咪鍾意你。
首先，所謂嘅IOI（indicator of interest），就係講緊一啲女仔可能對你有興趣嘅行為指標；
但係其實要知道女仔對你有冇興趣，你係冇需要太過複雜化去分析成件事嘅，
否則你就自己喺度overanalyze，不斷猶豫，不斷延遲take action，
最後又係令到自己錯過有可能嘅機會。
所以以下所提及嘅十樣女仔對你有興趣嘅指標，越中得多就代表個女仔越有機會對你有興趣；
但係就算表面唔中嘅話，如果個女仔仍然留自己喺你身邊比attention你，亦都唔代表你一定冇機會。
所以等我好快列出十樣最普遍嘅IOI：
＃1 當你停止講嘢嘅時候，女仔會主動打開口承接大家嘅conversation
＃2 佢會無啦啦喺度giggle，對住你咯咯地傻笑
＃3 佢會主動掂你身體任何一部分，譬如打你手臂或者尤其是掂你心口附近
＃4 佢同你傾計嘅時候，整理或者撥自己頭髮
＃5 佢問你叫咩名或者任何私人嘅問題 （e.g. 你幾多歲，你住喺邊等等）
＃6 佢可能一開頭有啲位唔同意你，但係講下講下嘅時候又會改變立場，同意番你
＃7 佢稱讚任何關於你嘅嘢
＃8 無論你有冇提及女朋友嘅時候，佢會直接間接地問關於你女朋友嘅嘢
＃9 佢可能揶揄話你係一個player／玩家，話你周圍出去hurt其他女人
＃10 佢介紹你畀佢身邊嘅朋友認識
以上就係比較明顯女仔對你有興趣嘅指標，但係我再重申一次：
有以上嘅IOI只係代表當時個女仔係比較有機會對你有興趣，
但係如果你之後嘅性格行為特質表現得needy／desperate／飢渴，原本對你有興趣嘅女仔都會突然變得反感！
記住你要玩嘅係long game，女仔呢一刻對你未有興趣唔代表之後對你無興趣。
所以你永遠要做嘅係不斷投資係自己身上，
不斷每日進步少少，
慢慢變成一個真正有吸引力嘅男人，
咁樣長遠嚟講你唔需要睇IOI都識到女仔一定對你有興趣！
希望今集幫到你！