Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
過去兩日我哋都一連講咗六種challenge女仔方式令佢鍾意你，
我哋今日就會完結呢一個系列，講埋最後三種嘅方式。
Challenge ＃7：淘氣地揶揄女仔／Playfully Tease Her
Teasing係一啲你細個小學雞嘅時候已經識同女仔玩嘅嘢，
例如你會笑佢蠢，例如你會笑佢著衫咁肉酸，例如你會笑佢嘅行為好奇怪 etc.
男仔係會tease女仔，女仔亦會tease男仔，大家都係操場上互相揶揄講笑。
所以喺適當嘅位置同時候去揶揄女仔，你就能夠再次令女人感受到青春充滿能量嘅感覺。
或者我哋遲啲再開多集講詳盡啲，你需要知道teasing嘅例子包括：
－無啦啦扮佢嘅聲線語調表情講嘢
－誇張地模仿佢某啲動作
－製造獨有嘅花名稱呼佢
－揭露佢做咗某啲尷尬／好蠢嘅野
－當佢係小朋友咁樣對待
－同佢角色扮演，例如你準備同佢分手／扮曬準備一齊去渡蜜月 etc
Challenge ＃8：同佢製造一啲無聊膚淺嘅虛擬競爭，並且同時挑戰佢
女仔係鍾意competition競爭嘅，所以任何簡單輕鬆好玩嘅遊戲都可以用嚟challenge佢，
例如掟飛鏢，掟雪球，打保齡或者打snooker。
所以任何會令佢心跳加速少少嘅運動，任何physical challenge都係唔錯嘅選擇。
當然你要令到個遊戲係公平，你唔係必贏，佢有優勢，咁先至好玩；
如果能夠令到遊戲有啲性味道，將會喺更加正，例如同佢玩枕頭遊戲。
Challenge ＃9：適當嘅時候要去reject女人
要記住，對住任何女人，你都係有權去拒絕佢嘅請求要求，
你都係有權去即時離開walk away斷絕來往。
你越係驚會失去一個女仔，你就變得越嚟越唔喺challenge，
你就變得越嚟越弱，越嚟越冇要求，越嚟越冇吸引力。
所以我成日講，對你date嘅女人有高嘅standards係好重要，
因為你係一個有品味有要求有選擇嘅高地位男人。
一個有自信嘅男人，一個唔會輕易妥協嘅男人，
係能夠顯示果斷嘅決策力，你有意欲去達到清晰嘅目標 ，你嘅性格係有力量。
所以請你唔好再浪費時間喺一啲唔符合你要求嘅女人身上，
亦都唔好浪費佢哋嘅時間，咁樣喺對所有人都冇好處。
Bonus Challenge ＃10：成為一個有edge有『鋒利刀刃』嘅男人
所有具吸引力嘅badboys，全部都係有edge嘅男人，
佢哋係幾乎有一種not give a fvck嘅態度同自信，
佢哋係不在乎人哋對佢嘅諗法，無畏無懼地去做自己想做嘅嘢。
呢種嘅性格特質係非常有吸引力，因為係個女仔好彩認識到佢，而唔係調返轉。
所以你想溝女有顯著成績嘅進步，
你就必須開始培養呢一種『唔care人哋點睇』嘅態度，呢種非常有edge非常有穿透性嘅能量。
簡單嘅行為方式就係：
－唔好樣樣嘢都同意佢， 唔好成日搵位『同佢好夾好好傾』，
你一定要搵地方去break rapport／打破融合關係，搵地方去否定／disagree佢。
－盡快開始講一啲含有強烈性味道嘅topic，
畀佢知道你唔係一個扮曬對佢冇性趣嘅nice guy，略略講完性話題之後，又不在乎地講番一啲正常話題。
－永遠要lead住女仔，例如準備去下一個地方嘅時候，望都唔望地拖佢隻手行去第二度。
好多nice guy會猶豫太耐，喺度等待女人嘅hints，但係你越等得耐，你越係會令到原本有嘅吸引力下降。
好，呢幾集講咗好多點樣利用challenge去令女仔對你產生興趣同吸引力；
你鍾意以上九種+Bonus嘅方式嘅話就畀個like我啦，
有咩問題歡迎你send email嚟問我，
希望呢幾集幫到你！