Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
你有冇發現自己成日跌落friendzone嘅陷阱呢？
又或者會唔會成日收到好人卡，個女仔同你講類似話『我哋都係做返朋友啦』嘅說話呢？
如果你有遇上類似嘅問題，就意味著你唔識點樣將同女仔嘅關係昇華到去一個sexual／有性嘅level，
今日就想同你分享三招，令到你同女人開始能夠建立有性關係！
Tip＃1：唔好當佢係你嘅朋友咁樣同佢傾計
如果你好似佢嘅普通friend喺度講埋啲雞毛鴨蒜『今日做咗功課未』嘅問題，
你就係完全唔能夠製造令佢緊張有feel嘅sexual tension／性緊張感。
製造sexual tension最直接嘅方法，
就係透過一啲會challenge女仔／揶揄tease女仔嘅對話，令到佢感受到某種emotions／情感。
所以亦都係點解你必須擁有一個frame，去讓個女仔去證明自己畀你，去令佢知道『能夠有機會得到你』係一種禮物；
而佢係需要過完一關又一關先至能夠得到你，咁樣女仔就能夠感覺佢好似嘗試喺度賺取你對佢嘅認同／approval。
另外平時講嘅teasing／揶揄女仔亦都係一個歷久不衰嘅方法去升溫，
每當你發覺個女仔淘氣地打你或者咯咯笑你講嘅嘢嘅時候，
你就會知道你成功從佢身上製造某種emotions。
如果你同佢傾計嘅時候能夠講下佢嘅passions／佢熱愛做嘅事情／佢好想要嘅desires／又或者佢曾經好愛某個人某樣嘢嘅時候，
以上嘅topics都係一啲令到女仔感受到emotions嘅話題，你絕對可以同佢講多啲。
Tip＃2：正確地去掂女仔
無一種有性關係嘅relationship，一開頭唔係透過身體接觸而開始嘅；
你想同女仔發生有性關係，你就必須正確有次序地去增加你地之間肉體接觸嘅頻率。
去增加大家之間嘅touching有兩種方法，第一種就叫做 playful touching，
意思就係包括一啲淘氣地用手指篤下佢，zik吓佢令佢痕，
扮曬小朋友咁樣打架，你抱起佢氹氹轉，行街嘅時候喺度用patpat撞下佢等等。
Playful touching係相對好玩，並且女仔會感到安全同你有咁樣嘅身體接觸，同時製造一啲暗地裏嘅sexual tension。
第二種就叫做sexual touching，感覺上意圖係會更加明顯，
譬如你捉住佢隻手（可能你搵個藉口去睇佢隻戒指／手鏈／手繩／指甲等等），或者你將隻手搭佢膊頭，或者你搵個藉口掂佢頭髮等等。
以上嘅事情通常都係有性關係嘅男女先至會做，朋友通常唔會做，
所以更加會顯得曖昧，你要離開friendzone就一定要有呢啲嘢。
Tip＃3：變得seductive／誘惑性感撩人啲！
當你學識以上講啲乜嘢同點樣掂佢之後，你就要記得要用一種seductive／誘惑小小嘅方式去同佢相處。
當女仔係普通朋友嘅人，係極少會鼓勵佢去諗去幻想一啲關於性愛嘅嘢；
但係你想同佢develop有性關係，你就必需做以下嘅嘢：
－你一定要對話期間hold主一啲強勁有穿透性嘅eye contact
－你必須慢慢地放慢你講嘢嘅速度，並且同時讓聲音變得低沉有磁性
－你望住佢嗰個樣，必須讓佢感覺你嘅sexual desire，你好想要佢
－你望咗佢雙眼一陣之後，你就可以停一停，再轉移視線望佢嘴唇一陣；
如果你發現佢都有類似嘅行為，咁樣基本上都幾肯定個女仔好想你kiss佢！
以上就係三招令你同女人建立有性關係嘅方法，
你唔想自己再留喺friendzone收好人卡嘅話，就唔該你精通今集所教你嘅技巧！
希望今集幫到你！