巴打你會唔會有時好好奇，問自己點解女人有時明知自己條仔係一個Beta廢男，但係佢表面上都繼續選擇同佢一齊，繼續做佢女朋友甚至老婆呢？
點解喺某啲情況你終於做咗Alpha，即使條女係會同你調情，暗地裏同你偷食搞野，但係點解佢哋仍然會黐住條Beta仔，猶疑自己應唔應該跟你呢？
Well，呢條係一個非常之有趣相對高階少少嘅兩性問題，請各位巴打留心聽著；
如果你鍾意呢個topic嘅話，就請你依家率先畀一個like呢條片，因為咁樣係可以支持到我繼續製造價值畀你。
好！以下就係一系列原因，點解有時女人會同一個Beta廢男一齊，而未必揀一個擺到明佢內心更有慾望想佔有嘅男人一齊。
原因＃1 首先你要明白，女人現時嗰條仔，
其實有陣時好可能都曾經係一個有吸引力表面上夠Alpha嘅人，佢當初被佢吸引都未必知道原來條仔嘅心理本質仍然係Beta。
但係隨著時間變化，隨著每一個女人in a relationship之後都會嘗試改變自己男人，佢條仔好可能就會不知不覺地被影響變成『女人口中話想要』嘅Beta男朋友。
你要知道，就算女人有時係真心『想為一個男人好』地咁樣去改變佢，就算女人誤以為『改變咗男人之後將來就會更加鍾意佢』；
但係去到最後，女人都會暗地裏發現原來『被改變嘅男人』竟然令佢開始冇feel，竟然唔係自己真正想要嘅人，最後自己潛意識地就會對佢失去吸引力。
咁點解女人繼續同一個失去咗吸引力嘅男士一齊？原因就係你暫時表面所睇嘅，只係一個過渡階段。
女人仍然留喺呢段關係之中，表面上仍然好似同男朋友嘻嘻哈哈；其實唔一定代表佢內心真係滿足，更加唔代表其實佢暗地裏唔係搜尋緊另外一個佢被吸引Alpha男。
如果條女仍然係又靚又青春有性愛籌碼嘅話，佢絕對係會睇準時機搵藉口飛咗自己條仔，最後眨下眼就同新嘅Alpha男秒速一齊。
原因＃2 所謂嘅Alpha或者Beta定義，其實好大程度係講緊你用咩態度或者信念去看待你任何形式喺兩性關係，繼而就係講緊你行為上點樣同女人對弈。
好諷刺嘅一樣嘢係：有好多非常有錢有影響力並且又靚仔又受歡迎又有高顏值嘅男士，雖然表面上係會吸引到好多女人，
但係你會發現每次當佢哋同女人有任何形式嘅長遠關係，佢哋似乎最終都係感情失敗，表面有幾成功似乎都唔能夠解決到男女關係之中嘅問題。
點解會出現呢啲咁奇怪嘅情況？
點解Elon Musk, Jeff Bezos, Brad Pitt呢啲世界頂尖嘅高價值男士，仍然喺感情上不斷受挫折，不斷結婚又離婚呢？
雖然詳細我會喺MTFU Insider兄弟幫裏面同內部巴打一步步分析，但係你要明白嘅：
就算你係一個6呎2大大隻隻每個月搵過百萬嘅靚仔富豪都好，雖然你的確係比起一般嘅男士有更高價值更大吸女能力；
但係你如果唔了解女人嘅心理，唔了解男女之間性愛上交配上遊戲嘅潛規則嘅話，
你都會極容易某一日愛上某條索女，不知不覺墮入靈魂伴侶嘅陷阱之中，一步步行入咗被浪漫化嘅理想主義者，
最後令你冇辦法keep住令女人對你有興趣，分手離婚收場。
換句話嚟講：所謂嘅Beta唔一定係講緊typical嘅毒撚，因為有好多表面高價值嘅男士都係擁有一啲被雌性化嘅兩性觀念，繼而令到佢哋兩性關係上被女人食住；
所以亦都係點解，除咗你要增加自己嘅顏值同埋財富之外，你亦都要主動學習兩性關係鮮為人知嘅美麗與醜惡嘅學問，你先至可以真真正正做咗一個Alpha。
最後＃3 可能你會問：無論我依家係單身定係拍緊拖都好，究竟點樣先至可以知道自己喺兩性關係上係Alpha定係Beta呢？
Well，雖然Alpha整體上係比起Beta更加有吸引，但係你未必一定要以溝女／食女數量去肯定你係咪一個Alpha。
除咗我建議巴打你去睇睇我之前拍過嘅一段叫《你係Alpha定Beta？留意呢10大特質！》嘅片之外，你都可以透過以下一系列問題去客觀地觀察一下自己。
譬如話：
－究竟你條女想同你做愛嘅慾望，係咪仲多過你想同佢做愛嘅慾望呢？佢係咪性愛上都幾demanding，成日都想主動同你搞嘢呢？
如果係嘅話，呢個係一個良好關係嘅徵兆。
－條女係咪極度服從你呢？當你拒絕佢唔去做一啲你唔鍾意嘅嘢嘅時候，就算佢開頭會表現到唔開心或者輕輕同你爭論，佢最後都係屈服於你，繼續聽你話做返一啲會令你鍾意做嘅嘢呢？
如果係嘅話，呢個亦係一個良好關係嘅徵兆。
－你同條女相處嘅時候，你每次做決定係咪因為會淆底驚佢嬲，甚至驚佢會離開你而放棄自己嘅初衷呢？
定係你會果斷行動，願意冒險fvck up任何事情，肯聆聽條女嘅感受但係最終仍然會做番啱自己嘅決定咁樣去做人呢？
如果你一直都係無畏無懼，有一種唔怕條女離開你，而你亦可以隨時割席果斷離開嘅心態嘅話，呢個就係一個Alpha嘅框架。
Anyway 巴打，其實仲有一系列更加深入嘅問題你可以運用，去睇下自己心理上係咪仍然用緊一個Alpha視覺去看待兩性世界。
＃4 重點係：女人會繼續同一個Beta一齊，除咗係因為條女可能未吸引到其他選擇之外，
好多時係因為呢段關係佢然能夠提供一系列著數畀自己，無論係資源金錢上，定係Beta男盲目無條件嘅保護同愛。
但係凡事唔好睇得咁表面，因為好多對住公眾曬幸福嘅相或影片，都未必能夠反映出嗰段感情之中真正嘅健康程度。
請巴打你小心唔好做咗一個被利用被擺上枱都唔知嘅Beta男，
唔好低估揀錯女人對你嘅傷害性，因為錯嘅女人係可以隨時令你身心一敗塗地！
巴打如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇！
因為你嘅支持喺能夠幫到我哋成長，繼續製造更多價值比你。
有咩問題，就下面留言比我知啦，我哋下集再見！