Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
你有冇曾經問過自己，
點解有好多樣子唔錯，身材幾正嘅索女，出街／出去玩／出去蒲嘅時候，仍然花咁多時間精力去睇落更加索，著衫更加sexy呢？
好有趣嘅一條問題，
所以你可以首先從女性嘅角度出發諗諗：
基本上一啲真係具吸引力嘅女性，就算係素顏或者普通地識襯衫，佢都幾乎能夠任何時候得到男人嘅注意，
所以其實佢冇必要去『突顯』自己美麗嘅一面，都可以得到男人嘅attention。
但係問題就係，
點解好多時你會發覺最靚嘅女仔，反而會花最大嘅精力去更加提升增加自己嘅美態呢？
以下就有幾個好可能嘅原因你可以參考一下：
Reason＃1 因為索女想充分地maximize自己嘅強項／優勢，去吸引最高質素真正Top1%嘅男人
你想像一下索女去到任何形式嘅社交場合或者party，
可能係呢個party裡面有一百條仔，但係真正最高質素嘅男人通常只會有三四個。
你覺得最索嘅女會唔會settle，
會唔會妥協於一啲average平庸嘅男人，會唔會因為某啲白痴嘅pickup lines而決定同嗰條仔走人呢？
Fvck no！
越係高質素嘅女人，佢哋越係想得到任何場合裏面最正嘅男人；
但係佢哋同時亦都知道，Top1%嘅男人係絕對有選擇，佢哋一早已經有大把女人可以揀。
所以索女更加覺得自己需要盡力去level up，
用盡一切方法去突顯自己最正嘅一面，咁先能夠有最大機會可以吸引Top1%男人嘅注意力。
Reason＃2 索女需要面對其他索女嘅激烈競爭
你要明白一個事實就係：
具吸引力嘅女性係非常非常competitive嘅，佢哋係可以變得非常之金枝慾孽地勾心鬥角去爭一個皇帝返嚟。
所以索女踏入任何一個場合嘅時候，基本上大部分男人都會gup住佢，
望完上身望下身，跟住啲男人就會喺度FF佢同條女可以有咩可能『性』發生。
但係最正Top1%嘅男人呢？真正有options有選擇嘅男人呢？
佢哋基本上都好忙地同唔同嘅人socialize緊，又或者一早已經同緊其他索女傾計；
就算佢哋眼尾睄到條索女行過，佢哋都唔會即刻成個頭轉過去喺度gup佢，佢哋只會暗地裏知道呢條女表面睇落幾ok，可能一陣有時間先至同佢傾計。
以上就係男人諗嘅嘢，但係其他女人見到有索女行過又會點諗呢？
Well，其他女人望到索女，當然係會即刻唔gur，即刻bitch face西面佢啦！
點解咁冇禮貌？
就係因為多一條索女，就等於多一個競爭對手；
就算佢自己都算幾靚，都算幾受歡迎，但係佢都唔會想有其他索女同佢爭一啲最正嘅Top1%男人！
所以如果你夠仔細地觀察，你就能夠留意得到，
係呢啲場合裏面就係集合左幾百萬年嘅人類進化，互相競爭，互相搵方法贏得交配機會嘅比賽，非常有趣 lol
所以為咗減低競爭，索女都需要提升自己，搏盡無悔地去強調自己有咩『突出』之處。
Reason＃3 女人天生就係想得到Attention／注意力+Approval／認同
記住：Women draw their emotions EXTERNALLY。
女人嘅情感係好大程度地受外界影響，
亦都係點解佢哋對附近環境或者身邊嘅人咁sensitive，會比起男人feel到唔同嘅嘢。
所以外界嘅注意力同認同，係喺女性心理學同行為學之中最重要嘅一環，
external validation好多時會決定女性對自己嘅自我價值。
另外有啲人類進化學嘅理論亦都講：
當你越係得到其他人／外界嘅attention，你就越係能夠得到更大嘅機會去生存並且繁衍下一代；
但係如果冇人畀attention你，你能夠搵到對象去交配嘅機會就會越渺茫。
所以女人越係得到別人嘅attention，佢就會越感覺自我良好，
覺得被群體接納，覺得自己有唔錯嘅機會去同Alpha Male交配。
你明白咗呢一點之後，你就會更加明白點解當你要溝索女嘅時候，
你更加唔應該透露『你被佢嘅美麗沖昏頭腦』，或者嘗試去展示興趣／追佢，或者畀佢嘅外表震懾，搞到自己唔能夠自由地表達自己。
正正因為佢索，正正因為大部分男人會馬上畀晒attention望實佢，
你更加要學識點樣主動地控制自己嘅attention，唔好咁快就認同佢，咁樣你先至能夠突出自己。
你一定要禁止自己馬上approve佢，
你一定搵地方淘氣地challenge佢，
你一定要堅守自己對女人內在條件嘅standards，
咁樣佢先至唔能夠知道你係咪真係鍾意佢，佢先至會慢慢開始對你產生興趣，
佢先至會由『習慣被男人追』，慢慢過渡去到做一啲『追你返嚟』嘅異常行為。
好啦，以上就係三大原因點解索女仍然要保持自己嘅edge去溝你，
你又願唔願意努力成為佢眼中嘅Top1%高質素男人，畀個機會佢贏你返嚟呢？
希望今集幫到你！