Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
恭喜曬已經下載免費43頁溝女書嘅巴打們，相信你開始明白10樣女人暗地裡想你知道嘅秘密。
仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。
想好快問你一條問題，你知唔知男人溝女時其中一條最容易犯嘅錯誤係乜嘢呢？
係咪口臭？No.
係咪著衫好樣衰完全冇fashion sense？No，雖然影響都唔少。
係咪個人好悶？ No，爭少少。
係咪冇聽ManTheFvckUp嘅每一集？咁呢樣嘢當然唔應該做啦！
但係一樣男人最容易犯嘅錯誤，就係將個power畀返個女仔，畀佢做主導。
畀幾個情況你參考下：
情況＃1：
一個男仔行去同個女仔say hi，但係佢講嘢嘅語氣暗地裏透露咗，『我唔肯定我值唔值得呢個女仔去留意我。』
當你嘅subcommunications透露左半點嘅猶疑，女仔係會即刻sense到你缺乏自信，佢就會好可能走人。
所以你嘅死因並唔係自己講錯嘢，而係你溝通嘅時候話咗畀佢聽，連你自己都唔相信自己deserve呢個女仔，你感覺自己喺呢個情況下面冇power，所以個女仔會走人。
情況＃2：
有個男仔同一大班friend去party，跟住佢嘅女仔friend介紹咗另外一個女仔俾佢識，好自然地呢個男仔同呢個女仔開始flirt。
大家之間嘅vibe都係有F+C有吸引力嘅元素，傾咗十分鐘，感覺好似都幾順利。
跟住個女仔去廁所，個女仔問個男仔：『啊，你可唔可以幫我睇住個袋呀，我想去廁所。』
咁作為一個gentleman，個男仔梗係話：『好呀，冇問題。』
（BTW，其實好多男人都唔知道呢度係一個中伏位，亦都係我琴日講其中一樣嘅shit test嘅一條，所以我正在準備緊一個關於shit test嘅詳盡課程，你有興趣嘅話腥 email話我知。）
我哋去返個情境先，咁個女仔去完廁所之後，另外一個男仔撳停左個女仔，同佢講話：『嘩，好核突呀，你條裙有啲污糟嘢。』
咁個女仔梗係好驚即刻話：『邊度呀？邊度呀！？』
個男仔就笑一笑，跟住同佢講：
『哈哈，冇呀我玩你咋，今晚有啲想做個仆街，快啲話我知你好憎我啦。』
所以個女仔嬲咗一秒，跟住就畀佢嘅魅力同好玩嘅奸笑吸引住，跟住就開始同呢個有挑戰性嘅男仔flirt，完全忘記咗嗰一個幫佢看緊手袋嘅nice guy。
十分鐘後，個nice guy仲竟然發現個女仔同嗰個男仔係暗角裏面打車輪，對事件簡直係感到震驚。
最後一個情況：
一個男仔同一個女仔大家date咗差唔多半年，大部分時間都幾好玩幾順利。
某一晚佢哋去咗睇戲，跟住個女仔唔小心倒瀉啲可樂喺個男仔條褲度，跟住個女仔心諗『死火喇，好樣衰學論盡添！』
但係個男仔，因為心裏面其實覺得自己襯唔起個女仔，所以好友善地同佢講：
『Oh honey，唔使驚，你畀啲紙巾我啦，咩嚟㗎呢啲？可樂啊？我而家再出去幫你買多罐！』
連個女仔都唔相信嗰男仔竟然會咁nice地講嘢，其實暗地裏佢好唔鍾意，佢真正想有個男人可以扮嬲，跟住要懲罰佢叫佢幫佢抹返乾淨。
好可惜，佢身邊呢個男仔根本唔相信自己配得上個女仔，佢覺得自己喺呢段關係上面冇一個真正嘅power，所以佢先至唔願意做一啲有機會激嬲個女仔嘅嘢。
以上呢三個情況，個男仔都犯咗一樣同女人接觸嘅時候，男人經常會犯嘅錯誤，就係佢哋將自己嘅power雙手供奉畀返個女人。
以下係你要知道嘅兩個秘密，唔該你烙印喺你個大腦裏面：
第一： 女人係好憎男人將自己嘅power畀番佢，佢哋係鍾意一個有『上把位』嘅男人。
所以當你行去同女仔傾計嘅時候，你嘅行為表現透露到『係佢今日好彩』有機會同你傾計；
而係你哋傾計嘅期間，你亦都要暗地裏qualify佢，睇下佢meet唔meet到你嘅standards。
另外當你識左個女仔10分鐘，但係佢叫你幫佢睇住個袋嘅時候，你就可以講：
『哈哈你真係可愛，但係我唔係嗰啲會幫女人睇袋嘅細路，我係嗰啲會嘲笑其他幫女人睇袋嘅男人囉。』
最後當個女仔整瀉罐可樂落你身上嘅時候，你就應該畀自己有足夠嘅自由同力量去『爆一吓』佢，可以略帶講笑嘅語氣同佢講：
『頂，你叫我將來點樣委託你幫我湊仔呀 ？』又或者：『頂，你栢金遜呀？快Q啲自己出去買返另一罐可樂返嚟啦。』
第二個秘密你需要烙印喺你個大腦裏面嘅係：
你嚟緊遇上每一個嘅女仔，你都要永遠長開呢一個『上把位』嘅掣。
如果冇開到嘅話，佢好難keep住對你產生吸引力，好難去攪你，好難去有『想同你一齊』嘅慾望。
因為佢要嘅係一個擁有絕對power嘅男人，
一個知道女人能夠同佢一齊，係佢哋好運嘅男人…
一個喺段關係裏面作為selector嘅男人…
一個知道如果個女人行過咗佢嘅底線，嗰女人係會即刻消失並且幾個星期內由另一位更高質素嘅女仔補上…
呢一種對自己充滿肯定性，self-assured嘅男人，就係嗰一種能夠將『上把位』嘅掣永遠長開嘅high status man，
所以唔該你由今日開始唔好再將你嘅power畀返個女人喇！