『點解我對女仔好，佢都唔鍾意我？』
呢條問題，喺好多十幾歲嘅年輕巴打會困惑嘅嘢。
原因，其實並唔係因為女人犯賤唔想男人對佢好，甚至未必喺因為佢唔想你尊重佢。
我今日就會同你分析『對女仔好但佢唔鍾意你』嘅3大原因！
原因＃1 因為你重視條女，多過你重視你自己
換句話嚟講，喺你心裡面，條女嘅價值喺高過你自己嘅價值！
當你內心喺放條女高過你自己嘅話，好多時條女都會feel到自己嘅重要性喺多過你，而佢就會總結你喺一個冇自信甚至自卑嘅人。
點解會自卑呢？條女就會自己答自己，『肯定喺因為你無價值亦都無其他選擇，所以先會無條件對佢好，先會咁想要佢啦！』
所以巴打你要首先記住：女人喺只會想要一啲高價值過佢嘅男人，女人喺想要一啲自私啲放自己利益為先嘅男人！
如果你嘅態度行為唔係釋放緊咁樣嘅訊號，你對條女幾好都唔會溝到佢！
原因＃2 你太過想令到條女開心！
乜令到條女開心都係罪嚟架咩？Well，分享正面情感當然喺好事喇。
但係，如果你溝女時成日都諗『我要做啲乜嘢先可以令到條女開心，令到佢鍾意我』嘅話，你就會好容易變成一個people-pleasing 做勁多嘢取悅條女，一切都好假好虛偽嘅人。
但當你能夠停止唔去諗點樣令到條女happy，你首先做啲令到自己happy嘅嘢，甚至唔好理會條女有咩睇法或者感受先，咁樣嘅狀態溝女你就會更容易成功。
原因＃3 你太過浪漫化兩性嘅感情，你唔夠勢利去看待女人！
你要問自己一條好重要嘅問題，就係：『究竟我喺呢段關係之中有咩得著先？呢段感情對唔對等先？』
唔好誤會，我唔係叫你要喺所有感情之中剝削對方攞著數；
我講緊嘅係，你投資時間精神去發展或者維繫一段感情，你付出完喺應該有相應嘅收穫，你投資完喺應該有相應嘅回報。
你對條女好但佢都唔鍾意你嘅原因，就係因為條女發覺自己乜撚都唔使做嘅時候，你都會無限對佢好，咁佢仲駛乜擺effort落去取悅你呢？
佢仲駛乜介意自己係咪鍾意你姐？
＃4 咁所以巴打，『對女仔好』唔係一個default嘅錯誤行為，錯就錯在你捨棄自己嘅利益，你捨棄自己嘅尊嚴，你捨棄自己嘅價值去容許女人剝削你嘅『好』。
只要你平衡對佢衰對佢好嘅比例，只要你平衡你對佢VS佢對你嘅投資，
只要你分散投資對其他10條女一樣咁好咁衰，你就一定會令到更多女仔鍾意你。
Like完呢段片有咩唔明嘅話，就留言下面話我知啦！