Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
嚟到超男之道系列嘅第50集，今集就叫做：男人必須堅持練習與成長，Insist on Practice and Growth！
＃1 作者意思係：擁有方向性／direction係雄性男人嘅優先事項／priority，就算係喺一段親密關係都一樣。
一個成長期間仲未完全成熟嘅男人，可能就會軟化自己嘅方向，
跟住因為佢嘅女人而妥協，最後以一個『好男人／Mr. Nice Guy』嘅角色去做人。
＃2 但係超級男人係唔會settle for less，勉強接受一啲未係自己理想嘅事情，
因為佢知道佢自己同佢嘅女人係有能力，去更加擴大對世界嘅愛嘅體現。
佢會以一種充滿compassion／憐憫同情嘅愛心，去斬斷所有bullshit廢話，並且已最真實最幽默嘅方式去看待世界。
佢唔會要求佢嘅女人一定要跟從自己個人嘅方向，
因為一個超級男人係會想女人根據一種最能夠令女人自己成長，最令佢感受到愛與快樂嘅方向，去走佢自己嘅路。
＃3 所以第一步去『校準』自己嘅生命，就係首先確保喺呢一刻，
你係每日活著喺自己邊緣，並且根據你個人嘅purpose／人生目的去做人。
如果呢一刻你並唔係exactly以一種你需要嘅方式去活著，
咁樣你身邊嘅女人都會感覺到你缺乏清晰度，佢亦都唔會想follow你畀佢嘅引導／指引。
＃4 當然我哋男人每日都會被日常發生嘅事務／做嘅嘢或者責任令到我哋太忙，唔記得咗自己嘅人生目的；
女人亦都會唔記得咗，喺佢不斷循環嘅情緒起伏波動嘅時候，愛其實一早已經喺佢心裏面。
＃5 所以你哋兩個人嘅禮物，就係你必須cut through the bullshit，撇開所有膚淺嘅噪音，
睇穿你女人表面嘅悲傷恐懼憤怒，跟住揭露大家心裏面最想要嘅真相。
就係你呢一種男人嘅穿透性／penetration，就係你呢一種嘅深度／ depth，你先至能夠分享到最深層次嘅禮物。
＃6 如果你唔咁樣做並且提供方向比大家，你嘅女人就會開始咁做。
因為喺一段關係之中，雄性力量同雌性力量係會好似太極咁樣不斷互相balance。
你身為男人越係唔能夠以自己雄性嘅方向活喺真相之中，
你嘅女人就會越係迫不得已以佢自己嘅雄性力量去take charge，
你就會變得越嚟越弱雞被動，迷失屬於自己嘅道路。
＃7 呢種就係去極化／depolarization嘅現象，
亦都係點解咁多long term relationship嘅男人變得越嚟越廢柴，女人變得越嚟越巴辣嘅原因！
因為你自己無意中攞咗女人嘅角色去同女人相處，女人就無意中攞咗男人嘅角色去同男人相處，
所以令到大家嘅關係變得越嚟越中性，失去當年嘅激情／passion。
＃8 所以如果你嘅女人經常以鋒利嘅一面針對你，無論你喺出面有幾成功，
咁樣好大機會係代表你哋親密關係之中，你並唔係根據自己最終極嘅真相潛能去活著，
你並唔係無畏無懼披荊斬棘地繼續為自己人生衝刺緊。
＃9 你係有100%責任去斬除曬自己嘅懶惰／上癮／或者缺乏清晰，
你亦都要知道你唔需要再等待機會，或者去責怪其他人／推卸責任。
你係唯一一個人可以發掘自己最深層次嘅真相，並且根據自己嘅truth去活著。
＃10 你意向／intent嘅質素，同埋你有持之而行地去運用你嘅深度，
將會決定你方向嘅結果，同埋你有冇能力去引導你嘅女人，活一個更開心更快樂更充滿愛嘅生命。
你由今日開始，又會唔會以呢種雄性超級男人嘅penetration去做人呢？
希望今集幫到你！