Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 尋日我哋講咗Cost同Worth嘅關係，講咗點解有時講返少啲嘢，畀番多啲機會女仔講嘢，係一個違背直覺嘅溝女方法。
今日嚟到『點樣同女仔有良好對話？』嘅 Part 2，
我哋就會講下點樣運用不同技巧，去邀請女仔投資喺大家嘅conversation之中。
＃2 首先就係：要學識點樣喺對話嘅一開頭set好大家傾計嘅dynamics，
要盡快讓女人一齊參與你哋之間嘅interaction，讓佢成為一個踴躍嘅對話參與者。
如果你去到first date嘅後期可以令到佢說話嘅比率佔60-80%，而你又係留心聽佢講嘢，間唔中係重點位加入一啲補充／自己相應情感嘅experience，
咁樣你就有一個好好傾計嘅基礎。
＃3 另外要記住嘅就係：你係好難用甜言蜜語說服女人上床，但係製造機會讓女人說服自己同你上床就會容易好多！
所以你哋對話嘅結構，係應該盡量畀佢有機會去interrupt你，
跟住你講完附加資料之後，之後再guide番個conversation。
＃4 最後一點你要注意嘅就係：有策略性嘅停頓位係非常重要！
喺你講完每一句說話之後，又或者你想強調一點嘅時候，記得要停一停！
你咁樣做嘅話，你唔使講咁多嘢，都可以透過神秘感填補更多對話嘅時間，唔需要下下咁大壓力諗之後要講啲咩。
有自信嘅人係可以掌握對話嘅節奏，慢慢講嘢，
因為佢哋知道對方係對佢哋講嘅嘢有興趣，所以無需要心急係咁chur。
而停頓位亦都畀機會你自己諗下下一個重點，同時製造機會比女仔參與。
＃5 好喇，講完咁多background info，等我今日教你一招叫做showcasing嘅對話技巧。
所謂嘅showcasing，就係你講緊某一點期間，
略略加入一啲附加資料係中間，令到之後有更多嘅threads畀女仔去relate。
＃6 例如：『我琴晚同我個friend去飲嘢，跟住…』
你可以instead講：『琴晚做嘢做到癲咗，驚晏先放工，老闆都癲嘅；
Anyway，搞掂曬啲嘢之後，我同我個friend去飲嘢，跟住…』
好多時候，當你你加咗一啲同主題無關嘅少少附加資料，對方就會有更多嘅機會去連繫你，例如嗰個女仔可能會話：『OMG！你喺邊到做㗎？我老細都痴線㗎…』
＃7 其他嘅例子包括：『我啱啱去咗附近一間食泰國菜嘅嘢，都幾好味，anyway，食食下嘅時候我見到…』
你咁樣講，正常女仔都會interrput你問你邊間咁好食哈哈。
＃8 另外一個方法去做showcasing，就係講緊某某人嘅時候，略略形容佢哋嘅性格特質。
所以instead of 講話：
『嗰日我同我個friend阿John去花墟睇籃球，個場勁爆，咁好彩我哋搵到靚位坐…』
你應該講：『嗰日我同我個friend阿John去花墟睇籃球－btw，阿John個人超正，佢係我大學嗰時exchange星加坡認識嘅，帶咗我玩勁多嘢－anyway，嗰日個場勁爆，咁好彩我哋搵到靚位坐…』
＃9 重點就係：當你咁樣畀一啲random嘅附加資料嘅時候，你就為你所講嘅故事增加色彩；
並且提供唔少嘅額外主題，令女仔更加容易可以relate落你到，增加佢對你哋interaction嘅參與程度。
你嘅附加資料冇需要係特別精彩嘅，你只係提供更容易嘅機會，讓女仔去interrupt同你傾計。
Anyway，今日就分享咁多先，我哋聽日就會講埋另外兩種同女仔有良好對話嘅小技巧！
希望今集幫到你！