Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
喺過去呢大半年，好多巴打都問過我『應該點樣製造吸引力』，
今日就想分享其中一招永遠有效嘅技巧，叫做breaking rapport。
＃1 你應該知道，太過容易畀女人得到你，being too easy，係一樣完全冇吸引力嘅行為。
就算個女仔鍾意你，就算個女仔做主導去溝你，
如果你太快突然地同佢『好好傾』，太快透露太多『你想同佢connect』嘅行為；
女仔就會感覺你太desperate太猴擒太try hard，最後令到佢停止ff你，佢就會突然冷淡後退。
＃2 要記住就係：如果你永遠都畀女人想要嘅嘢佢（例如你嘅時間同attention），女人就會成為你哋interaction嘅主導，
你就會變成一個預計得到／predictable嘅悶蛋，佢就唔會再對你有興趣。
＃3 要成為一個有趣嘅人，要成為一個有挑戰性但係又唔會嚇怕女仔唔敢追你嘅人，
你就要識得點樣有策略地去break rapport／中斷融合關係。
＃4 首先要明白，大部分男仔同女仔傾計，除咗嘗試喺度sell自己之外，
最常犯嘅錯誤就係try hard去同女仔建立connection，嘗試『好夾好好傾』。
＃5 點解一開頭『好夾好好傾』係一個溝女錯誤呢？
就係因為如果你啱啱識佢就嘗試建立太多共同點，太多commonalities，太多similarities，
畀人嘅感覺喺你好似啲保險佬／地產／sales咁樣擦鞋，嘗試去impress對方。
潛台詞就係：對方擁有更高嘅價值，所以你需要去奉承佢，從而從對方身上得到某啲嘢。
＃6 就算你嘅intention唔係咁做，你都要明白溝女一開頭絕對唔可以太快去建立connection。
e.g. 女仔同你講話佢鍾意做yoga，你又講話『係咩？我都成日做yoga㗎噃』，that’s try hard.
e.g. 女仔同你講話佢鍾意狗多過貓，你又同意佢，你又係try hard.
e.g. 佢同你講佢成日跳舞，你又話自己好鍾意跳舞，that’s try hard.
＃7 你想製作吸引力嘅話，你就要開始識得點樣break rapport，最簡單嘅方法就係『佢話鍾意做一樣嘢，你就話你鐘意另一樣嘢。』
e.g. 女仔話佢最鍾意食movenpick，你就話ben & jerry’s好食啲。
e.g. 女仔話GD喺佢嘅男神，你就話擺到明Top靚仔啲型啲囉。
e.g. 女仔話將來好想嘗試喺London生活，你就講笑話『你適合去非洲多啲囉，嗰度咁多老虎獅子馬騮，啱曬你性格啦 LOL』
＃8 重點就係：學識點樣調節自己嘅語氣，留意當時講嘢背後嘅context，先至break rapport，
唔係嘅話女仔就會誤以為你侮辱佢，覺得你過火。
＃9 要記住：Breaking Rapport嘅背後目的，喺提醒女仔你擁有一個有趣搞笑嘅性格，
而你唔會因為純粹佢美麗嘅外表，就咁快嘗試同佢build rapport好好傾咁。
當你願意咁做嘅時候，
雙方嘅interaction就會顯得更加輕鬆，整體嘅感覺就唔會咁僵硬做作，溝女嘅過程就會更加自然。
希望今集幫到你！