===========
Q&A: Man神先生你好， 我叫David, 我一直都有follow你拍既片， 相信只有你可以幫到我。
是咁的， 我半年前係手機game識左個女仔，咁我地係遊戲入面好好傾， 無耐仲約出黎食飯。之後我地既關係係每星期有三四晚打機online, 一個月兩次出黎食飯左右。 其間我失戀時佢又有安慰我其實係個好男人， deserve搵過個更好（算唔算好人卡？） 有時佢又會打比我吹下無聊水，多數都係佢打比我， 又會叫我睇佢睇緊既愛情劇集， 事關佢話冇人同佢討論劇情。
打機果陣佢又會好主動關心下我既近況咁， 結果有一次我終於係遊戲入面講左我鐘意佢，當時佢冇say yes or no, 只係話估唔到我會咁。 好啦，果陣我都打定輸數， 但到第二日佢又會照常咁同我wts傾計， 後尾佢知道我拒絕左另一個女仔既表白， 佢又會打黎八下果個女仔靚唔靚架？ 如果靚做咩唔發展下？ （其實我冇話佢知因爲呢個女仔唔係佢，所以我冇辦法接受佢）， 而且之後佢都有主動約下我食飯咁。
咁平時約出黎食飯大家都多野講既， 而且呢十幾次都係單獨見面。同佢一齊我覺得好開心好舒服， 佢有時會主動同我有啲身體接觸， 例如約佢等果陣佢會係後面拍我嚇下我咁， 總之一切都令我覺得同佢相處得好開心。
到最近一次食完飯， 大家各自各返屋企約好夜少少打機，打打下機佢問我仲有冇鐘意佢，我初初仲扮唔明佢講咩， 後尾我終於忍唔住打比佢同佢表白。我話我好想照顧你，你係我好鐘意好鐘意既女仔黎， 果陣其實我好吞吞吐吐下， 聽到佢係咁笑。直到我講完之後佢講左句只想做朋友。
我知你一向好反對男仔表白， 但唔表都表左而家點算？ 自從打完比佢表白之後大家再冇任何互動， 我一諗到我可能呢一世都見佢唔到， 就覺得好心寒。
============
Detailed answer here: