Yo巴打，我喺MTFU嘅Man神啊，協助男士打拼出人生3大範疇，成為女人想🔞又想愛嘅男人！
歡迎嚟到新一集嘅溝女Q&A，我喺呢度每星期都會協助MTFU嘅巴打，簡單地解答佢哋嘅溝女戀愛問題。
如果巴打你想我更詳盡嘅兩性策略畀你嘅話， 你可以查詢關於MTFU Insider大家庭嘅詳情，因為你喺裡面喺可以得到我為你度身訂做嘅訓練課程，讓你解決所有關於溝女／約會／性愛／感情上嘅問題。
你有興趣嘅話，就腥email去support@manthefvckup.com 索取詳情，睇下自己適唔適合報讀啦。
============================
chan conan：想問mansion 我平時同啲friend 傾計都講粗口,但如果同啲女講粗口會唔會拉近大家關係,同距離? 我發覺如果對話中太有禮貌哋,好似比都條女感覺好暧男同乖乖仔,Mansion請給些意見!thx 祝,生意興隆
============================
Ans：對我個人嚟講呢，粗口嘅功能同可貴之處，係可以間唔中從正常嘅句子之中，強調某一啲重點，並且宣洩下一啲特別強烈嘅情感。
咁所以如果你好似成個捉棋阿伯或者黑社會爛仔句句都加入粗口，句句都充斥著性器官形容詞地問候人全家，咁樣粗口就會失去咗佢原有嘅意義，你畀人嘅感覺亦都好似一啲攞正牌用暴力欺凌人嘅人士。
咁所以你自己就要學識點樣取得平衡，你要有智慧地運用粗口嘅特質，咁樣你就唔會為咗要扮badboy而變咗一個流氓，你同女溝通上嘅impact先會更加強勁更加大，你明唔撚明？
============================
Hi Manson,想問下你有咩招數可以知道一個新識無耐既女仔有無男朋友，而對方唔知你chok緊佢？(假設無對方social media/無hint) Thanks! Reader H.
============================
Ans：呢位H巴打，其實你係唔需要擔心條女有冇仔呢個問題，又或者憂慮要學識乜嘢招數chok個答案出嚟。
點解？原因就係，如果條女想畀你知嘅話，你係會絕對知道嘅。
意思即係話：如果一開頭勁快條女就已經同你講自己有男朋友，咁其實就意味住佢對你冇興趣。如果中段時間同你講話有男朋友，可能有陣時只係shittest嘅大話，睇下你有咩反應。
但係如果佢一直都冇講，但係又同你慢慢變得越嚟越親密，甚至搞咗嘢好幾次之後先知佢有男朋友嘅話，咁其實你都唔需要覺得特別震驚。
因為有陣時條女瞞著男朋友同你偷情，都已經意味住佢段感情冇晒激情，想透過你得到更多新鮮感，更正嘅性愛；但係可能佢有啲嘢仲未同佢條仔搞掂，所以先會繼續留喺嗰段關係之中。
對於你嚟講，如果你嘅溝女心態一直都係輕鬆casual啲，唔好咁乸認真咁快認定佢係可以進入排他性關係嘅女朋友，咁樣基本上你係無咩損失。
咁所以H巴打，你唔需要特登check啲女有冇男朋友，因為你同佢搞嘢之前假設咗佢冇嘅話，你先至會冇藉口有意識地不斷行動得到你想要嘅嘢！
============================
Bouau R：我依家出去見到D好索嘅女仔，過去講咗自己嘅開場白，但係佢地冇理我同埋走咗，幫幫我阿Man神
============================
Ans：呢條問題極之空泛，亦都暗示咗巴打你溝女上嘅無知，因為巴打你假設咗世界上係有一句開場白可以萬試萬靈，可以令到好索嘅女仔即刻理你。
好對唔住，現實係冇咁樣嘅神丹嘅，因為實在有太多嘅外在因素會影響你嗰一刻同條女傾計嘅結果…
無論係你自己外表上嘅presentation，定係你喺錯嘅環境場合下講你佢開場白，定係你講嘅時候用錯語調，又或者其實純粹係條女當時冇心情冇興趣同陌生人傾計。
咁所以呢位巴打，我鼓勵你繼續去練習搭訕，因為你係需要一定數量嘅重複測試，你先至可以搵到問題嘅核心，之後先至會搵到解決方案。
唔好因為呢次嘅挫折就以後放棄同女人傾計嘅機會，你再試多啲，之後再話我知有咩update啦！
============================
今集嘅溝女Q＆A就告一段落啦。
如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇，因為你嘅支持喺能夠幫到我製造更多價值比你！
有咩問題，就下面留言比我知啦，我哋下集再見！