Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
好快宣布少少嘢先：我最近寫完一本免費43頁嘅溝女書，讓你學識10樣女人暗地裡想你知道嘅秘密。
你有興趣嘅話，可以去㩒一下片中description嗰條link，或者去www.manthefvckup.com/freebook 去下載呢本書。
返返嚟今日嘅主題，前幾日有位巴打問我：
『想問女朋友同左第三者一起,點追番佢? 或者點追有男朋友既女仔?』
好好嘅一條問題，但係我必須首先同你講，我係唔建議你去追其他有男朋友既女仔嘅。
第一，呢個行為其實唔關『道德撚』事。
但係如果人哋好地地開開心心呢，你真係冇需要去搭隻腳落呢個複雜嘅漩渦裏面，無事生非。
第二，呢個行為其實會令到你自己好needy，你會好容易將自己嘅自信心／價值掛鉤喺『撬唔撬到呢條女走』呢個外在結果裏面。
成功嘅話，你會有一個短暫嘅ego boost，遲啲可以喺班friend面前威；
失敗嘅話，你就會花好多無謂不必要嘅時間精神能量去思索點解你fail咗。
所以無論結果係點都好，你呢段時間會失去咗好多其他機會，其他可能性去認識一啲更高質素更適合你更識得珍惜你嘅女士。
雖然『得到返呢個人』聽落好似好偉大好長情，但係對你長遠戀愛成功其實係有負面影響。
Anyway，雖然係咁講，你知我經常為你創造價值嘅，所以我都講一講你可以點樣做，去增加佢想要返你嘅機會！
我都有唔少『分手或者被分手』嘅經歷，所以我好清楚嗰一種『生不如死』嘅痛苦感受。
但係你要明白，如果你真係想有機會得到番佢呢，我嚟緊俾你嘅建議你可能會唔鍾意。
事實上，我唔會講一啲特別啱聽嘅說話去隱瞞真相，因為對你最好嘅行為亦都好可能同時會觸動到你呢一刻嘅神經。
但係我教你嘅嘢並唔係為咗去安撫你嘅breakup，所以我會比較直接。
如果你真係啱啱分手，仲未平復到情緒，咁我建議你遲少少先繼續睇呢段片，okay？
你準備好嘅話呢，我哋就開始嘞！
以下有三樣嘢你需要注意嘅，如果你想追返嚟你嘅Ex：
＃1 呢一刻你想追返你嘅Ex，可能同時合理化地同自己講緊：
『 我真係好鍾意佢，佢係我嘅soulmate，我嘅心靈伴侶，我知道佢係我嘅 “The One”，我會用盡任何方法，令到佢可以畀多一次機會大家…』
我明白呢一種諗法，但係你想知道真相嗎？
真相就係，呢個唔係你嘅諗法嚟架，呢個係你被拒絕嘅『ego/自我』嘅即時反應。
你諗下，喺半年前一年前嘅今日，你當時對佢嘅感覺係唔係真係同呢一刻一模一樣呢？
我當然唔會去懷疑你鍾意佢嘅感受啦，
但係喺呢一個moment，呢一刻啱啱個心畀人hurt完嘅時候，你係好難頭腦清醒地你係咪真係仲係咁愛佢。
坦白講，呢條女係咪真係咁正咁完美呢？
定係因為你唔忿氣，所以你想證明自己有能力再次得到佢呢？
喺呢一刻，你對佢嘅回憶其實係『美化神化』咗，因為你咁唔開心 ，所以你想諗到嘅都只係一啲開心嘅回憶，而忽略咗你平時唔鍾意佢嘅嘢。
簡單嚟講，我哋被人拒絕／被人reject之後，會唔忿氣更加想得到嗰一樣嘢，係因為我哋人類有個盲點叫做Loss Aversion Bias (損失厭惡)。
意思係， 人面對同樣數量嘅收益或者損失嘅時候，同量嘅損失會比同量嘅嘅收益有高2－3倍嘅效力。
即係話，當我哋損失一樣嘢嘅時候，我哋會盲目地放大2－3倍呢種感覺，所以我哋會有一時嘅衝動，令到我哋更加想得到『我哋要唔到嘅嘢』。
就係因為我哋呢個盲點，所以『痛苦』係比『快感』有更大嘅動力，令我哋去追返一啲我哋失去嘅嘢。
＃2 明白咗呢一點之後，你可以點做呢？
你要注意嘅係，因為呢一刻你美化咗你個Ex， 所以你諗到嘅方法去追返佢，都係會比較desperate比較情急嘅行為。
例如嘗試去『欸』佢，去求佢，係咁講『對唔住』，係咁話『唔好』，話『自己錯，我會改』等等…
但係佢聽到呢啲咁『乞兒』嘅說話，只會更加想遠離你！
所以你最好做嘅第一樣嘢，就係要一刀切，停止你哋之間嘅溝通方式。
你可能會話：『分手都可以繼續做朋友姐？唔使咁絕情喎…』
我明嘅 ，朋友當然可以再做啦，但係唔係依家啱啱分手嘅時候。
因為如果你短時間內繼續當佢係朋友，其實你話緊畀俾佢知，你好滿意同佢呢個『朋友關係』…
你真係想同佢齋做朋友咩？乜你唔係想追返佢咩！？
所以除非你真係放棄，選擇永遠同佢做friend，否則你想追番佢嘅話，你短時間內，至少兩個月都一定要遠離佢！
畀番啲空間佢，你要有一個all-or-nothing，『一係有一係冇』嘅心態，後退返一步，你先至有機會令佢想再次得到你。
#3 你想佢返嚟你身邊，佢一定要自己總結原來係佢『走寶』，原來係佢選擇錯誤，並且由佢主動去搵返你！
想得到返你嘅Ex，有一條定律你喺必須遵守嘅：
就係兩個月內都唔好同佢有任何聯絡！
除咗你可以俾時間你自己冷靜一下，唔好因為情緒不斷做錯事，顯示你更多嘅低價值之外…
你同時間亦都製造一個『真空期』，令佢同時意識：
原來佢都真係失去你， 原來分手之後你真係唔會再搵佢，原來你唔搵佢嘅時候佢都會間唔中諗起你。
要記住：Thoughts = Investment
佢自動諗起你，係一種佢潛意識對你嘅投資。
佢之後可能會同自己解釋：『明明分咗手架啦，但係點解我仲會諗起佢呢？唔通…我仲鍾意佢？』
你唔搵佢就係畀個機會佢有咁樣嘅諗法，否則佢係唔會掛住你。
另外一樣嘢就係喺呢兩個月期間，你一定要快啲迫自己出去識其他女仔，千祈唔好困住自己喺間房日日喺度哭哭啼啼！
出去識其他女仔係會幫到你提升你嘅自信，
並且讓你意識到原來世界咁大，
原來世界上仲有其他女士對你有興趣 ，
原來嗰dating market仲有咁多『正貨』畀我去揀。
就算你唔係真係去識女仔，你都要建立你一個active嘅社交生活，令到你平時都有好多開心嘢好多其他朋友一齊去玩。
咁樣做嘅話，你會令到你個Ex覺得原來你都係一個獨立嘅男人，
原來你每一日比之前更加精彩更加進步，
原來你冇左佢仲有好多其他選擇，
原來係佢『分錯手』！
以上就係你必須分手後做嘅事情， 當然仲有好多其他招數你可以用啦。
但係你一定要首先堅決啲唔再聯絡佢，並且同時開始建立返你嘅social life，pick up 返自己。
你肯咁樣做，
幾個月後嘅你好可能已經有其他更好嘅選擇，
幾個月後嘅佢好可能會忍唔住再想入番你嘅生命，
到時嘅你就有一個清晰嘅頭腦去決定你係咪仲想要返佢！