Yo！我喺MTFU嘅Man神啊，
今日想為各位巴打揭露一個專係呃男人嘅世紀大騙局，不過我想首先問你嘅就係：
唔知道各位巴打有冇曾經試過online dating呢？
你又有冇試過用app去識女仔呢？
你每日有花幾多時間去玩呢啲dating apps呢？
透過呢啲途徑你自己又試過有幾成功呢？
呢個就係我哋今集MTFU探討嘅重點，繼
續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係：我相信各位99%嘅巴打都曾經試過透過網上平台或者dating apps去嘗試識女仔，
我亦都相信各位巴打曾經覺得online dating係一個充滿光明嘅溝女出路，可以改變自己嘅戀愛生活。
你有咁樣嘅諗法都無他嘅，因為小弟喺幾年前都曾經試過online dating，
用過唔同嘅apps例如Tinder, OKcupid, Coffee Meets Bagel等等去嘗試溝女，
亦都試過喺個app之中發展出一啲有性關係嘅relationships。
小弟亦都認識其他好朋友，係可以透過呢啲apps搵到自己嘅女朋友，
到現時為止拍拖已經接近兩年，所以有成功嘅例子都係唔出奇。
但係我今日必須同各位巴打講：
喺已經踏入咗2018年嘅今日，我哋係唔應該再浪費時間喺任何嘅online dating sites或者app上面，因為透過呢啲途徑溝到女嘅機會係萬中無一。
＃2 首先就係，點解用呢啲app去溝女咁吸引男人呢？
最主要嘅原因就係，因為個個男人都以為可以『慳時間』溝女，同埋可以『任君選擇』，感覺上好似『可以不斷去date唔同嘅女直至自己揀啱為止』。
可能你覺得，你又唔需要特登出街去識女仔，又可以隨時隨地溝女，又唔使驚同女仔傾計嘅時候會淆底，
又可以就咁copy & paste一大咋message同時send俾一大班人，令到自己可以『方便快捷大膽地』認識新朋友。
＃3 但係我必須同你講，以上你幻想嘅所有好處其實全部都係bullshit！
第一，一個樣子唔差profile有執過嘅女仔，每日收到超過一百個msg絕對都唔出奇；
你send畀佢嘅嘢只係其中嘅過百分之一，無論你有幾高質素，你想喺人海之中得到佢嘅attention絕對係難到冚家剷！
第二，先唔好講網上係充斥住勁多嘅假profile pic，同埋好多人係透過呢d apps去sell你買垃圾；
假設條女嘅profile係真嘅同埋假設條女嘅動機真係想識男仔，由於每日實在有太多人去搵佢，
所以女仔用嘅策略就係：
純粹根據你個樣去yes 或no，幾乎完全唔會睇你嘅人為性格，而咁嘅篩選程序係對大部分男人嚟講都毫無好處！
第三，事實就係，
大部分女仔用dating apps嘅動機其實只係純粹因為悶想玩下，同埋去接收男人嘅validation，令到自己感覺良好因為好似有好多人想追佢；
就算佢肯同你傾計，佢攞完千千萬萬嘅認同感之後，佢根本就毫無意欲會真係出嚟見你真人！
所以呢啲dating apps成個氣候成個環境設計，
根本就係純粹嘥下大家時間，極少會有女人真係透過呢d apps去『結識異性』甚至『求其搵下SP』。
＃4 好多呢啲dating sites／apps嘅『成功個案』，又或者傳媒喺度批評呢啲apps製造咗一個『hookup culture／一夜情文化』，
根本純粹係想製造一個假象俾大眾，令男人誤以為呢啲apps真係可以好容易食女！
殘酷嘅真相就：Online dating is a motherfvcking time sucker！
每一分鐘你浪費坐喺屋企去透過apps溝女，就係每一分鐘你失去喺現實世界溝到女嘅機會！
根據Tinder自己嘅PR部門所講，每一位用家平均每日花77分鐘去用呢啲app，亦都即係每個星期浪費9粒鐘去玩apps。
你估下如果你花呢8/9個鐘喺現實生活中認識新朋友或者直接溝女，你嘅成功率會大幾多呢！？
＃5 事實就係：Online dating嘅黃金時代已經過咗喇，
可能十幾年前，2000年代嘅時候online dating係一啲好新穎，男女都想認真試下嘅嘢；
但係2018年嘅今日係已經過時，仲係透過apps識人嘅就只有啲白痴仔先會咁樣繼續做！
＃6 各位巴打有冇聽過Ashley Madison呢個聲稱畀已婚人士偷情嘅網站呢？
喺2015年嘅六月，網上嘅黑客洩漏咗一份機密文件，
發現原來喺Ashley Madison裏面99%嘅女性profile，全部都係bots或者假account嚟！
＃7 Anyway，我相信我冇需要再講咁多點解online dating只係一種純粹浪費時間，呃男人嘅騙局；
我亦都相信各位巴打知道透過真實嘅活動場合去識女仔，係會實際地10倍更加有效。
因為喺現實世界識女仔嘅好處包括：
－你會馬上知道exactly個女仔真人個樣／身材／性格特質等等，完全冇photoshop嘅加工，完全唔會依靠特別嘅攝影技巧影到自己好撚靚好撚有feel。
－如果個女仔對你有興趣，你係會馬上知道嘅，你亦都會知道大家有冇chemistry；而唔係純粹倚靠虛擬嘅說話，就決定要同某個image去出嚟date。
－喺現實世界嘅對話係會令雙方發展得特別快，因為你唔需要次次喺個app到，等幾日甚至幾個禮拜先至收到條女覆你message！
＃8 所以各位巴打，我畀你嘅建議就係：
－馬上delete晒你所有嘅profile 同 dating apps。
－Schedule好一啲實質嘅活動，係必須令到你自己踏出門口喺現實世界識女仔。
你願意做呢兩樣嘢嘅話，我保證你2018年嘅社交戀愛生活絕對會比起2017年更加豐盛快樂！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，
下集再見啦！