Yo！我喺MTFU嘅Man神啊。
首先一個小小嘅宣布先：就係為咗讓更多巴打可以同我互動問我溝女問題，
小弟決定每次有新片推出嘅時候嘅頭一個鐘，亦都即係話每次出片夜晚6-7點呢段時間，我係會即時回答你嘅任何問題。
所以各位巴打除咗subscribe MTFU嘅channel之外，
記得就係去㩒嗰一個鐘鐘掣，『接收所有新影片的通知』，
並且每次出片夜晚6-7點呢段時候留言問我你想問嘅問題嘞！OKAY？
＃1 今日想分享嘅一個事實就係：唔知道各位巴打有冇聽過Nice Guy Finish Last呢個term呢？
亦都即係話Nice Guy最後係會變成一碌無人要嘅賣淨蔗呢？
2015年嘅時候，喺英國嘅Hartpury College嘅研究員Carrie Haslam同埋Dr Tamara Montrose，喺佢哋嘅研究報告裡面，
《Should have known better: The impact of mating experience and the desire for marriage upon attraction to the narcissistic personality》，
佢哋發現：『即使一啲自戀嘅男人並唔係一啲好嘅浪漫或者結婚對象，但係喺情場上富有經驗嘅女性，甚至係一啲好想結婚嘅女人，仍然係會被呢啲性格特質嘅男人吸引住。』
研究報告繼續講話：『雖然擁有自戀性格嘅人有好多負面嘅特質，但係嗰啲特質好可能係同關於能夠將來獲取高地位，或者將來能夠提供更多資源比大家有連繫。
所以擁有類似性格特質既人，係會喺無論短暫或者長遠交配嘅環境下佔有優勢。』
＃2 最震驚研究人員嘅就係：竟然嗰啲好想結婚／好想要個好男人嘅女人，
佢哋竟然比起一啲唔想結婚嘅女人，更加被一啲自戀嘅男人吸引！
亦都即係話，一啲曾經擁有超過21名嘅伴侶嘅女人，
係會比起一啲只係曾經擁有零至10個伴侶嘅女人，更加被一啲自戀嘅男人吸引！
＃3 各位巴打睇唔睇到以上科學話畀你知嘅真相呢？
你見唔見得到自戀嘅男人雖然唔會有乜嘢承諾，
甚至有啲可能係擺到明喺『唔會commit唔專一』，但係佢哋仍然係會被女性青睞呢？
所以巴打你如果仍然係依戀習慣去做一個Nice Guy嘅話，
覺得『追女仔／向女仔表白／做暖男／一味對女仔好佢就終有一日會被你感動』嘅諗法嘅話，我唔該你清醒下啦！
科學都講咗：越係想結婚嘅女人，佢哋嘅擇偶決定就會變得越差，佢哋就會越係情不自禁地鍾意一啲擁有自戀性格特質嘅男人。
無論佢哋幾多歲或者曾經經歷過啲乜嘢情傷，佢哋仍然係會被BadBoys吸引！
＃4 明白左愛情遊戲嘅殘酷真相之後，巴打你依家有兩條路可以揀：
－一係你就可以埋怨呢個遊戲嘅規則，嘗試去反對人類嘅生理心理機制…
－一係你就接受現實，跟住善用遊戲規則去做你想做嘅事情…
如果你懷疑自己仍然有Nice Guy嘅血脈嘅話，
我建議你去閱讀Dr Robert A. Glover. 嘅《No More Mr. Nice Guy》嘅書。
＃5 但係你千祈唔好誤解咗NiceGuy 同 BadBoys嘅意思！
Nice Guy 同Bad Boy嘅分別並唔係講緊你個人係咪『太友善／nice』或者『夠唔夠賤格／仆街／壞人／衰人』等等。
Nice Guy 同Bad Boy真正嘅分別，係講緊你嘅character／性格同埋人生嘅決定，
究竟係『weak／弱雞廢柴』定係『strong／強勁有力決斷』！
所以你要做一個Badboy嘅話，
你係絕對唔需要講大話／傷害其他人／或者做一啲違反你價值觀道德觀自己最後後悔做嘅事情！
＃6 Badboy只係一個會強烈地忠於自己做人原則，唔會畀人哋踩上心口都唔識得反抗，
會健康地堅持自己嘅權利，會捍衛自己相信嘅信念，
會果斷做決定並且糾正錯誤，會勇敢追隨自己想要嘅事物，會忠於自己價值觀嘅真男人！
簡單亦都即係話：Badboy係一個清晰自己values，唔會受到外力而放棄，會喺自己選擇嘅道路上打拼take action嘅雄性男人！
＃7 如果巴打你真係唔想再做一個弱雞廢柴嘅話，如果你認真想脫離Nice Guy嘅魔咒嘅話，
我強烈建議你閱讀Dr Robert A. Glover. 嘅《No More Mr. Nice Guy》嘅書。
鍾意今集嘅話就畀個like我啦，
喺呢段片推出嘅頭一個鐘我係會馬上回答大家嘅問題，我期待同你繼續互動交流，peace！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！