Yo！我喺MTFU嘅Man神啊。
上一集我哋就講咗頭兩種男女大不同之處，我哋今集就會講埋剩餘嘅三點，繼續去協助你成為一個更有吸引力嘅現代男人，活出一個更有愛更有激情更有意義嘅生命！
＃1 第三樣男女大不同，就係令男人最滿足嘅，就係當佢哋道路上已經再無任何混亂或者困難。
意思即係話：Masculine嘅最終目標，係得到完全嘅自由，希望可以無拘無束不受規限地享受世界。
所以當男人能夠咩都唔諗，完全冇任何情感，完全冇任何慾望嘅時候，嗰一種嘅emptiness係一種好舒服嘅感覺。
就好似射精咁樣，當男人高潮完之後得到嗰一種嘅感覺，就係男人人生嘅極樂。
但係Feminine嘅最終目標係調返轉，陰性雌性女人係渴望得到fullness，得到飽滿嘅完整性，得到無窮無盡嘅情感，慾望又或者任何嘅experience。
呢個就係點解咁多男人鍾意飲醉酒去麻木自己，但係女人就鍾意適量飲酒去令到自己嘅人生有更多嘅色彩。
另一個例子就係：男人好鍾意不斷快速抽插嘅原因，係因為佢想快啲得到高潮，之後就可以騰空佢所有嘅慾望；
但係調返轉，女人就好鍾意可以繼續不停做愛，因為佢能夠不斷感受更多嘅連繫／connection同更多飽滿嘅完整感覺。
＃2 第四樣男女大不同之處， 就係如果男人嘅事業或者佢嘅人生方向未如理想，好多時佢都唔能夠100%滿足佢嘅女人。
原因就喺：因為男人嘅freedom係佢嘅首要關心嘅嘢，咁所以如果佢嘅人生冇乜自由嘅話，好多時佢哋都會感到內心唔完整或者時時都擔憂緊張。
喺咁樣嘅狀態嘅話，男人喺唔能夠畀到女人想要嘅presence佢，又或者成日覺得自己好冇實力好弱。
咁所以各位巴打，如果你現時嘅工作或者人生嘅direction仲未搞掂嘅話，好多時你同你嘅伴侶或者朋友嘅感情都會被影響。
Masculine嘅人，無論係男定女，喺會優先處理自己嘅事業或者方向；而feminine嘅人， 無論係男定女，喺會優先處理自己嘅戀愛感情或者親密關係。
所以身為雄性男人，如果你冇花時間喺自己身上或者自己嘅道路…
就算你有好多女或者一段好滿足嘅男女感情，你一部分嘅內心仍然會覺得雄心未了，最終都會影響你嘅感情！
＃3 最後第五樣男女大不同之處，就係如果你喺自己嘅masculine主場紮根得唔夠結實，你永遠都會被feminine女人嘅能量震懾！
各位巴打，有冇試過見到某啲女仔好吸引到你，但係你就內心總係覺得差咁啲嘢，先至可以行去同佢傾計認識佢呢？
Well，如果你係一個雄性男人嘅話，我哋就會被一啲充斥著雌性能量嘅女人吸引，因為佢哋畀到我哋一種溫暖好滋潤嘅感覺。
但係如果你本身masculine嘅主場唔夠紮實，你就會覺得自己個人好飄忽，你就唔夠膽去接近充滿雌性能量嘅女人，因為你知道佢嘅出現，係有可能揭穿你唔夠man嘅現實。
所以如果你想吸引feminine嘅女人，你就必須develop自己masculine嘅能量，知道自己所豎立嘅價值觀，知道自己有咩目標去緊邊一個方向，並且率先為自己嘅『自由』去打拼先。
你一日缺乏呢種紮實嘅基礎，你一日都會總被某啲feminine嘅女人揭穿你嘅底牌，你一日都唔會得到一啲長遠滿足感情生活。
＃4 Anyway，希望今集同上一集嘅分享幫到巴打你更加了解自己，更加了解男女masculine同feminine嘅分別。
請各位巴打檢視一下你自己嘅人生，究竟你係多數以masculine嘅能量去做人，定係以feminine嘅能量去做人呢？如果你通常都係優柔寡斷無乜目的嘅話，你依家又知唔知下一步應該做啲咩呢？
鍾意今集嘅話就like，留言俾我知並且share比你值得分享嘅朋友睇啦， 下集再見你！