Yo！我喺MTFU嘅Man神啊。
巴打你依家有冇一個女仔，喺你好想變佢成為你女朋友呢？
又或者你有冇一啲大家已經親密咗好幾次嘅性伴侶，你有少少想同佢進入exclusive男女朋友嘅狀態，但係又唔想自己變得好clingy／needy／desperate呢？
喺今集我哋就會分享點解適量嘅『恐懼』，有時係會反而令女人更加想要你；
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想問巴打就係：你知唔知道女人最大嘅恐懼係乜嘢呢？
請你依家返幾十秒諗一諗。
因為如果你知道女人嘅deepest fear，你就可以利用呢一種資訊，去提升你同你女人嘅關係質素。
無論你哋係乜嘢relationship嘅關係，
無論係一個casual嘅玩伴，定係一啲長遠嘅男女朋友關係，你都可以運用以下嘅真相。
但係請巴打你應承我，當你學識以下嘅真相之後，
請你唔好濫用去傷害女人，
請你仍然保持自己嘅正直／integrity，
請你永遠要以『leave women better than you found them』嘅目的去溝女，okay！？
＃2 好啦我都唔再賣關子啦，答案就係：
女人心裏面最大嘅恐懼就係被男人拋棄！
意思就係：喺每一個女人內心嘅底層，都係有一種fear of abandonment，都係害怕被人拋棄。
呢種嘅恐懼好多時係緣於細個嘅時候，可能因為父母或者長輩做咗某啲嘢，意圖當時可能係想為你好嘅；
但係因為你細個所以唔知道，你就誤以為『係大人唔想再要你』，你就誤以為『佢哋會唔再錫你，唔再愛你，會離你而去』！
＃3 另一樣你要知道嘅嘢就係：男人同女人表達愛嘅方式係好唔同嘅。
喺一段關係裏面，好多時男人都會透過protection／保護同provision／提供資源，去表達對屋企人嘅愛；
但係女人好多時就會透過companionship／交往陪伴同埋佢嘅loyalty／忠誠去表達佢嘅愛。
所以呢種進化論形成嘅『男主外女主內』嘅需要，
同埋隨著女人年齡增加變得市場上越來越少選擇嘅原因，亦都解釋咗點解女人真係好驚會某一日被男人拋棄。
＃4 Anyway，講咗咁耐究竟關你咩事呢？
Well，如果你真係想將某條女變為自己女朋友嘅話，咁以上嘅資訊就真係請你牢牢記住。
因為當一個女人遇上一個會令佢產生『害怕被拋棄』嘅男人，其實佢會不能自控地+不合邏輯地對呢個男人產生吸引力；
因為佢情感嘅大腦，佢嘅emotional brain係會響起警號，叫佢一定要降服呢個男人，一定要你呢個男人而家對佢忠誠！
＃5 譬如話：女人最脆弱嘅時候，就係當你同佢上完床做完愛嘅時候；
因為喺嗰一個moment， 佢係最需要保護同埋最需要情感嘅聯繫。
所以隨著你同佢上床上得越多，你哋之間建立嘅emotional connection就會增長得越多，佢就會越嚟越驚你會離棄佢。
＃6 咁所以各位正直嘅巴打，你依家就會明白：
要keep住一個女人，尤其係喺開頭一齊嘅頭幾個月甚至一年之內，
某程度上你係需要有少少令佢感覺到fear of abandonment，佢係需要某程度上會害怕失去你。
八九成嘅男人之所以會失去女朋友，原因就係佢哋嘅行為調轉曬：
佢哋一開頭就咁快去表達自己對條女嘅忠誠，
咁快就承諾條女會愛佢一生一世，
咁快就承諾『無論如何都會喺佢身邊陪住佢』！
＃7 你咁樣做咪即係收自己皮囉！
點解？
咪就係因為條女完全收服咗你，完全唔驚會失去你，完全唔再覺得你係一個challenging嘅男人囉！
女人對一個男人嘅吸引力，除咗長遠嘅baseline安全感之外，
你係同時需要帶畀佢一啲不確定性嘅因素，一啲uncertainty，一啲關係唔喺經常穩定有上有落嘅狀態。
＃8 咁所以巴打你今日可以帶走嘅action step就係：
喺你溝女嘅任何階段，請你開始採取一種『我要唔要你都得／我會有勇氣離開』嘅態度。
如果你咁唔小心進入咗一段有毒嘅關係，如果你咁唔好彩被魔女迷惑，
你係一定要離開先至可以得救。
你由今日開始採取呢種『I can take you or leave you』嘅態度，
你就能夠慢慢消除你嘅依賴性／依戀性／neediness等等令女人嘔心嘅行為。
只有當你唔再尋找／渴求女人對你嘅賞識／認同／贊同嘅時候，
你先至能夠真真正正成長成為一個獨立有吸引力嘅雄性男人！
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！