Yo! 歡迎嚟到新一集嘅Man The Fvck Up,協助你創造一個你想要嘅戀愛生活。
『主動女』同『乖乖女』嘅溝法係唔同㗎，等我今日同聽日幫你分析點樣處理呢兩個情況。
我哋先講『乖乖女』先，處理『乖乖女』你只需要記得兩點：
＃1 其實所謂『乖乖女』，喺你同佢單獨相處嘅時候，好多時你會發覺佢哋都唔係咁『乖』，咁『無知』，咁『單純』嘅。
好多時，佢哋喺公開場合投放一個『乖乖女』嘅形象，都係因為呢個『造型』幫助到佢哋喺日常生活之中，得到佢哋想要嘅嘢。
所以你同佢傾計嘅時候，要用一招叫『投射性認同』(Projective Identification)，或者簡單少少『身份投射』去拆解呢個局面。
意思係， 我哋嘅『行為』係直接由我哋認為嘅『身份』衍生出嚟嘅，我哋嘅actions喺based on我哋嘅identity。
所以你認為『你係邊個』呢，喺取決於
＃1你點樣睇自己 +
＃2你點樣睇『人哋點樣睇你』。
你有冇試過喺唔同人面前有唔同嘅行為表現呢？當然你有啦！
我哋喺老豆老母面前，我哋喺老細面前，同埋我哋喺我哋嘅best friend面前都會擺唔同嘅自己出嚟。
因為你點樣睇『人哋點樣睇你』呢個因素，係非常強大同有影響力嘅，尤其是對方係喺你心目中有高嘅價值，同埋佢嘅frame係比你強。
你明白咗呢一點之後，你就會明白，要溝『乖乖女』嘅橋妙，係你需要project一個特定你想要嘅形象落佢度。
如果你淨係當佢係一個『乖乖女』，佢將會擺一個『乖乖女』嘅形象出嚟。
相反，如果你當佢係一個『扮曬乖嘅曳曳女』，佢就會有返啲比較曳嘅行為展露出嚟。
＃2 『乖乖女』其實好似貓咁樣，如果你一開頭就表露你過度嘅興趣同注意力，你係會嚇走佢哋嘅。
所以如果你不嬲溝女比較『攻擊型』比較直接，你就需要後退番少少，chill返少少。
其中一條基本溝女規則，就係：
你永遠都唔好咁快表露你對某個女仔有興趣，直至到佢開始比signals你。
如果你咁快『揭底牌』，你就會顯得低地位，『太chur』，同埋有少少needy。
相反，如果你一開頭玩下佢，challenge下佢，揶揄下佢，串下佢，對佢漠不關心少少…
當佢開始笑你嘅笑話，當佢開始嘗試追你嘅注意力，當佢開始問關於你嘅私人嘢，你先至好開始show返少少興趣。
呢個就係溝『乖乖女』嘅重點，一定要首先令佢哋『埋你身』先，跟住試下輕輕玩下佢串下佢；
等佢開始講多啲嘢，等佢開始覺得同你相處舒服，你先至好lead個conversation去其他地方。
你記得我前幾日講Cold Read架嘛？
所以你可以同佢講：『啊，感覺好奇怪囉，我通常都好少識到好似你呢『咁無知』『咁單純』嘅女仔，感覺都幾新鮮嘅，哈哈！』
跟住睇下佢有咩反應，佢應該通常都會『反彈』，話佢自己唔係囉 ，咁你就可以將佢『曳曳嘅一面』慢慢引導出嚟啦。
係咪好邪惡呢？:p
唔係囉，麥記先至邪惡囉！ 你知唔知麥記每日同你講啲咩呀？
佢同你講：『歡迎光臨，我哋麥記自1940年，差唔多80年嚟每一日都暗地裏為你帶來歡樂，並且暗藏有害嘅食物，過去嗰七十年已經有過億人因為我哋嘅服務而慢性死亡，而我哋嘅數字亦成功不斷增長…』
好嘞，都係唔好離題喇…
我哋聽日同樣時間， 幫你解答 『主動女』嘅處理方式！