唔知道巴打你細個溝女時，有無試過無知地諗住表演下魔術就會令條女鍾意你呢？
Well…呢啲傻仔行為我都做過，而我好記得當年有個朋友好有生意頭腦，自己學咗某啲trick之後就收人$100去教魔術，而呢位咁有創業靈魂嘅朋友今時今日的確搵到好多錢。
Anyway，大部分男士嘗試令某條女鍾意自己嘅時候，佢哋通常都會用一系列好似魔術一樣嘅小tricks去令條女對自己有好感；
但其實溝女最佳嘅方法，喺唔能夠純粹依靠一啲pickup tricks去做到，而喺你要成為BECOME一個擁有吸引力特質有substance嘅男人先可以。
所以今日我就會教你問自己5條問題，去客觀地評核自己係咪因為呢啲原因而令到你溝女有阻滯。
你鍾意今集嘅話，就請你依家率先LIKE同訂閱我哋嘅YT channel，follow我manupmanson嘅IG，並且睇完片之後留言話我知你下集想睇咩內容啦！
問題＃1 我而家活緊嘅life，係咪一種女人想參與嘅life呢？
每個人都想要開心快樂，有趣好玩，刺激又興奮嘅life；咁所以細個嘅時候有錢仔通常容易啲溝女，就係因為佢有老豆老母嘅資源去自由自在地玩，有一種女仔想加入嘅生命。
所以巴打你要問自己：究竟我現時嘅life係咪正面精彩呢？我嘅life係咪令人羨慕呢？定係連我自己都覺得自己又頹又毒又懶？
如果喺後者嘅話，咁你知你嘅溝女問題喺咩啦。
問題＃2 究竟我每日所做嘅一切，係咪令我有熱情甚至激情去做呢？
每個人都要返工，每個人都要搵錢；但唔係每個人都對自己手頭上嘅project充滿熱誠，或者熱愛自己努力工作嘅艱辛過程。
理想地，你當然要鋪路盡量做一啲你熱愛嘅工作啦；但就算而家未做得到，你都要花時間做一啲你熱愛嘅事情去為自己生命添加一點色彩。
因為如果你喺嗰啲『返工等放工』，鍾意星期五討厭星期一嘅人，女人喺會絕對feel到你嗰種對工作負面嘅情緒，你亦唔係一個有正面感染力嘅人。
而當你喺有實質地花時間做一啲你passionate嘅嘢，你同條女傾計期間佢都會feel到你自然嘅正能量，呢啲都係更加吸引女人嘅元素。
問題＃3 究竟我係咪一個既能夠活在當下去玩，又能夠成熟對將來有抱負嘅人呢？
要成為最有吸引力男人嘅矛盾，就係你既要balance好玩嘅一面，亦都要平衡將來成功嘅一面。
你顧住搵錢做嘢，你嘅生命就會好乏味，女人就會覺得你好悶；但係如果你純粹淨係識玩，冇錯你開頭可能會吸引到一啲have fun嘅女人，但女人亦唔會同你長期一齊。
咁所以work hard play hard的確喺一種藝術：你既要有你嘅目標+人生目的+比自己更大嘅任務每日集中去打拼，但同時你亦要學識每得到一個事業上嘅里程碑就要獎勵自己開party喪玩，
跟住重複又重複呢個cycle，你先會成為一個女人欣賞尊重被吸引嘅男人！
最後問題＃4 究竟喺我篩選緊條女多啲，定係條女篩選緊我多啲呢？
溝女嘅奧秘，就係你要做一系列嘅嘢去令條女知道你夠高價值，繼而行動賺取／爭取到你返嚟。
詳細過程我喺《牢不可破Alpha Frame》嘅課程裡面有教，關鍵就係你要條女證明佢除咗靚之外，佢有值得欣賞嘅特質。
無論係你嘅身體語言定係對話內容，你接觸佢都係以一種『你揀佢而唔係佢揀你』嘅方式去做；唔係嘅話，你溝女就一定有阻滯。
以上就係巴打你識女溝女時必須問自己嘅4條問題，你內心回答完之後就會知道自己死因喺啲乜嘢。
所以你鍾意今集想我再講多啲相關題材嘅話，就請你LIKE同訂閱我哋嘅YT channel，follow我manupmanson嘅IG，跟住留言話我知你嚟緊想睇咩內容啦！
下集見！