Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
今日想同大家分享，點解溝女其實係需要首先色誘自己，溝女先至會成功；
亦都係點解，如果你用PUA教你嘅方式去『pickup』女仔，你根本就係捉錯用神！
＃1 所謂嘅pickup，其實幾乎所有嘢都係關於你嘅mindset，
關於你自己點樣睇世界嘅attitude，關於你有幾陶醉喺自己嘅生命並且分享快樂嘅情感。
但係幾乎所有PUA所做嘅小動作，都係嘗試try hard去話畀其他人知，自己都有相近嘅mindset。
可惜嘅係，每次你咁『人工地』去證明自己『價值』，你所有嘅能量同focus都係嘗試去『pickup 條女』。
＃2 乜你冇發覺，每逢你出去玩嘅主要目的係去溝女去『pickup』嘅時候，你嘅成績都係特別差，最後都係冇乜嘢發生；
但係每逢你真心地出去同friend玩，而你根本唔care有冇女嘅時候，你反而先會間接地溝到女咩？
點解會發生咁得意表面上咁矛盾嘅嘢呢？
＃3 原因就係：當你出街嘅主要目的係去溝女／去get girls嘅時候，你嘅思維你嘅大腦你嘅身體就會好不其然地變得needy，變得好依附喺『溝唔溝到女』嘅結果上面。
就算你表面上扮曬不在乎，但係你嘅subcommunications總會暗地裏滲透出自己嘅neediness，而女仔係絕對會sense到你想點嘅。
你聽咗MTFU咁耐，你都應該知道，neediness喺一種最最最最冇吸引力嘅性格特質架啦！？
＃4 相反，當你喺focus喺自己嘅own fun，
集中去令到自己開心自high，集中去令到自己首先享受個環境／享受個moment，你就唔再需要女人去填補你；
你喺每一個場合嘅出現，你只係enjoy緊自己嘅life，你將會成為the source of good emotions，成為正面情感嘅來源。
喺呢個時候，女仔先至會開始被你嘅能量吸引，佢哋就會因為想『參與你咁正嘅世界』而開始去直接間接地approach你。
＃5 所以記住：溝女嘅focus並唔係去色誘女人，溝女嘅focus必須係要色誘自己先！
一開頭嘅時候，你唔應該不斷focus落條女到，你係應該首先focus自己係咪having fun。
#6 所以你明唔明點解我三番四次強調，你必須首先變得social，首先建立自己嘅開心lifestyle，之後先至應該諗下點樣吸引女仔參與你嘅生命呢？
如果你對自己／對你嘅人生都覺得好撚悶，女仔都會覺得你好撚悶。
如果你對自己／對你嘅人生都覺得好撚sad，你都會搞到個女仔好撚sad。
如果你因為某某PUA教你講故仔而好悶地『為咗講故仔而講故仔』，你好悶嘅情感亦都會transfer落條女到，搞到佢覺得好悶。
＃7 重點就係：只有當你首先focus去令自己開心，去真實地活一個興奮刺激精彩嘅生命，女仔先至會開心興奮地圍住你，期待參與你嘅生命。
如果呢一刻你嘅life並唔係令到你開心，如果呢一刻你係『活喺別人嘅生命』，你覺得係咪時候應該focus返係自己嘅快樂到呢？
如果你日日都係坐喺度對住部電腦電視返工／打機／睇片嘅話，
唔該你就做番啲physical啲，social啲，active啲嘅活動去彌補你嘅惰性。
離開你嘅屋企，出去參加一啲有趣嘅活動，出去同唔同嘅人類hang out，
參加一啲興趣班，去下唔同嘅events，嘗試唔同嘅hobbies等等。
記住：女人只係你整個人生拼圖之中嘅一小部分，你嘅大picture唔精彩嘅話，細picture都好難精彩。
你同唔同女人嘅life有幾精彩，係取決於你自己嘅life有幾精彩。
希望今集幫到你！