Yo! 歡迎嚟到新一集嘅Man The Fvck Up,協助你創造一個你想要嘅戀愛生活。
今日係禮拜六，知唔知點解禮拜六咁正呀？
就係因為禮拜五出去happy hour出去蒲嘅女仔都會被一班飲醉酒嘅『狼群』騷擾，
而禮拜六嘅時候你就可以唔覺意係一個商場或者coffee shop遇上佢，大家就可以有番啲真實啲嘅conversation。
咁樣嘅對照下，你覺得係咪著數啲呢？
Anyway，你知㗎，Man The Fvck Up每一集比上一集更加正，所以今日就想教你，一個attractive conversation必須擁有嘅三個原則！
＃1 其中一條基本原則，就係當女仔問你問題嘅時候，你第一個答案一定要係比較荒謬少少，第二個答案先好真實搭返佢。
例如，佢問你：『啊，啲人話呢，Omgea-3對身體好好㗎喎，有咩用架？』
跟住你就可以搭佢：
『哦，我最鍾意Omega-3囉，男人食咗之後，D血就會落曬去下面某一個位置，跟住成個鐘個人都好有自信，好爽架 LOL。』
跟住呢，佢可能會講：『下，你講真㗎？』
跟住你就可以話：『唔係喎。』（再加埋你嘅奸笑）
跟住佢就知你講衰嘢，打你手臂，你就先至講番真實嘅答案。
BOOM！成功激發佢嘅情緒 = 贏！
得架啦，唔晒客氣 😉
隨住我哋熱烈的掌聲…
＃2 琴日我哋嗰集都略略講咗，coldreading（冷讀法）係一樣好好用嘅技巧，等佢一開頭對你產生好奇。
如果你能夠好似一個『睇相佬』咁樣去『讀佢心』，再加埋你『算佢』嘅時候你用一種『你唔care佢信唔信你』嘅態度，咁樣就會好有威力㗎啦！
即係，講到臨尾嘅時候你望向其他方向，咁佢就會好好奇，點解你會對佢有咁樣嘅睇法呢。
Btw，我正值籌劃緊一個cold reading詳盡嘅training，喺一兩個禮拜度就應該會完成架喇；
但係唔係個個都可以學呢樣嘢嘅，所以如果你唔打算take action，投資係你自己身上，將你所學到的技巧運用喺真實生活裏面，冒險地去練習，咁最好呢你就同返其他99%嘅『綿羊』一齊唔好學喇。
但係如果你唔嚟果一類『平庸大眾』呢，你想得到更多呢，你可以send email嚟manthefvckuphelpdesk@gmail.com問我點樣可以攞到個training。
＃3 以下係『誘人對話』其中一啲元素：
－ 講一啲random啲隨機少少嘅嘢
－ 講嘢嘅時候要有Unattached嘅感覺，唔好讓女仔覺得你講某啲嘢，係為咗得到佢某一啲反應
－ 自然流露freestyle少少
－ 冇壓抑地表達自己，並且得閒揶揄下佢，challenge下佢
－ 之後build connection， 製造同佢嘅連繫
－ 但係之後又要再串下佢，先至好繼續你同佢嘅connection
－ 去到咁上下，身體上就要有『行動升級』，之後就takeaway，『每行兩步，退返一步』。
－ 製造佢追你嘅機會，之後又推走佢少少，等佢有少少不知所措，唔知你諗緊咩。
如果你喺進階少少嘅ManTheFvckUp 巴打，我相信你係點緊頭嘅。
但係如果你最近先join我哋，你get唔到曬我講咩都唔緊要嘅，你遲啲就會好快明㗎喇。
好，你咁靚仔你都應該知道我經常創造更多價值比你嘅，所以等我畀多兩個貼士你啦！
＃4 記唔記得我講過Content同Context嘅分別？
Content係你所講嘅內容，Context係你講嘢嘅時候嘅意境，當時你嘅身體語言，你嘅聲線，同埋最重要當時環境嗰一個vibe。
所以對話內容唔係太重要，如果你個氣氛搞得好，你仍然可以搞到個女仔情緒好high；
再加埋你高地位嘅subcommunications，咁樣佢冇可能唔被你吸引，除非佢某啲原因自己特登抑壓自己。
你知道啦，有啲女仔真係痴線㗎嘛…
＃5 你知唔知你『個人嘅力量』喺係邊度嚟呢？
冇錯嘞，大部份都係由你嘅行動／行為嚟嘅。
但係你知唔知其實你嘅boundaries界線同埋standards標準係非常重要㗎？
Boundaries就係用嚟分隔你可以接受同不能接受嘅行為，令到你身邊嘅人知道應該點樣去behave。
但係呢條界線你一定要去執行，唔係嘅話呢人哋就會覺得你『冇底線』，不斷去踩你心口㗎嘞！
另一方面，standards就係代表喺你世界裏面，你對自己嘅expectations，你對自己或者其他人嘅要求。
例如，有啲唔做運動，唔食得健康，唔照顧好自己嘅女仔係低過我要求嘅。
所以即使佢表面幾靚，表面唔肥，又青春又後生，如果佢唔係好好照顧自己，我都唔會要佢。
因為健康對我嚟講好重要，係一個必須嘅要求，所以係永遠不能妥協，必須去執行嘅。
你要問下自己，你有冇你嘅要求呢？ 你有要求嘅話，有冇去執行呢？
你知唔知道，當你去執行你嘅標準界線嘅時候，你會令到你之後揀嘅女仔感覺良好，正正係因為佢覺得佢做咁多嘢係值得嘅。
所以呢，唔該你做人有返啲boundaries有返啲standards，係對你溝女同做嘢成功有莫大幫助！