回顧過去呢幾年嘅人生，我發現咗自己不經不覺地形成咗某啲行為習慣，令到我做嘢更加成功，將MTFU嘅使命發揚光大。
我留意到每次我無follow以下所講嘅小習慣，我嗰日做嘢嘅效率就會大大降低，甚至變成一個超懶平庸嘅廢柴。
巴打你睇得MTFU嘅片同埋我哋內部嘅newsletter，你都係想激發自己嘅潛能，成為一個更加有吸引力，受女人注目，賺更多錢嘅高價值男人，係咪？
咁所以當你睇完今集Man Talk之後，除咗like同share之外，
請你記得運用我分享畀你嘅成功小貼士落自己到，咁樣你呢幾個月甚至幾年先可以upgrade自己嘅生命！
＃1 第一樣成功小習慣就係：請你每日瞓覺之前，寫低第二日最重要嘅To-Do List。
我個人每一晚瞓覺之前，都會花5至10分鐘去思考同規劃我第二日有邊3-5樣最重要嘅嘢係必須完成，我先至叫做征服到嗰一日。
呢個To-Do List唔需要太詳盡嘅，但係你就必須寫低最重要嘅Big 3-5，讓你嘅大腦喺瞓覺之前，有一個清晰嘅方向同目的性，令你第二日起身之後唔會戇居居唔知做乜，可以更加專注集中地打拼。
＃2 第二樣成功小習慣，就係簡單地set一個budget比自己，限制住自己嘅開支。
我知道呢樣嘢好悶，你亦都聽過十萬次；
咁但係我相信你同我一樣都有個弱點：就係有錢嘅時候就會好容易無啦啦係咁洗錢！
我個人喺好鍾意洗錢去學嘢增值自己，咁但係就算洗嘅錢係正面嘅投資，我哋都係需要有一個budget去儲錢，以防萬一。
點解唔可以畀自己去到一個『冇錢儲』嘅狀態呢？
原因就係當你感覺自己冇錢淨嘅時候，你成個人都會好慌張，好難做理性嘅決定；
而好得意地，越係窮嘅人，佢哋好多時先會係越喺過度揮霍，因為佢哋覺得『既然都搵唔到錢或者儲唔到錢，咁不如YOLO啲享受下先』。
重點喺：你只需要簡單地set一個財政預算畀自己，你就可以開始令到自己唔會繼續生存喺貧窮線附近。
你可以分3部分：日常開支／必需品 (Living Expenses)，儲蓄(Savings)，額外洗費(Extra Spendings)。
如果你每個月嘅收入，減曬以上呢三部分嘅budget，之後出現負數嘅話；
唔該你就要盡量減少你嘅額外洗費，並且同時增加你嘅個人收入。
做到呢兩樣嘢嘅話，你將來先唔會後悔！
＃3 第三樣成功小習慣，就係限制自己睇電視／打機／上網同社交媒體嘅時間！
除咗你可以睇MTFU嘅Youtube, IG, FB同newsletter之外，
你係絕對唔應該嘥時間睇埋啲『將男人描述為白痴Beta小情人』嘅戇鳩劇，或者喺IG睇下你啲同學有咩最新動態，同埋嘥時間喺打機喺虛擬攞成就！
除非你嘅工作需要同呢啲範疇有直接關係，否則我保證你：
你越係嘥時間喺一個螢幕之前，你就越難喺現實之中變成一個女人想屌又想愛嘅男人！
咁所以正如我喺Man Talk 第7集講過，只有你減少recreation娛樂嘅時候，你先至可以製造create到你遠景中想要嘅人生！
＃4 第四樣成功小習慣，就係果斷地斬除對你有負面影響力嘅關係！
無論係屋企某啲嘅成員，定係你現時嘅好朋友或者情人；
如果你想快啲成功賺更多錢，或者開心啲嘅話，你係絕對唔能夠容忍不斷散發負能量嘅energy sucker，任由呢啲losers揸乾你嘅夢想！
只有當你同一啲有錢過你比你更加成功嘅人hang out，佢哋先會逼你level up自己快啲進步，你嘅人生先有突破。
如果你想upgrade你嘅朋友圈嘅話，你就去我哋嘅官網www.manthefvckup.com 查詢關於The Kings Club 皇者俱樂部嘅詳情喇。
因為喺裏面就係聚集咗MTFU嘅精英，同我一齊商討點樣喺我哋人生三大範疇上面打拼，
成為最有吸引力嘅皇者。名額有限，你有興趣就盡快查詢啦！
＃5 最後第五樣成功小習慣，就係每日花至少30分鐘進修某種技能！
如果你真係想要一個完美嘅life嘅話，無論係想過好似花花公子咁樣嘅生活，定係想擁有一間令你有財政自由嘅網店，或者建立你嘅事業王國；
你喺絕對唔能夠得個講字，而需要實際地花時間同心機去upgrade你嘅skillets去建立你嘅夢想。
你要成為最有吸引力版本嘅自己，你就需要每日花時間行動去做嗰樣嘢。
你願意徹徹底底地咁做嘅話，你先會成為成功人士！
希望你能夠將呢5個小習慣放落自己日常生活裡面，你成功咗之後就記得返嚟多謝我啦，下集再見！