Yo！我喺MTFU嘅Man神啊。
各位巴打你同我都有唔同類型嘅性幻想同性癖好，女人亦都唔例外。
可能你係睇AV多令到你會對隔離嗰一個鄰家女孩產生性幻想，
又或者成日會無啦啦諗起以前同前度女友做愛嘅時候幾爽皮，
又或者你會幻想同某個女明星搞嘢。
雖然小弟從黃子華齣《棟篤特工》學識咗原來毒撚同女神嘅關係，喺有好嚴肅不可侵犯嘅界線；
但係無論點都好，你都要明白現實就係女神都有自己嘅性幻想，
女神都有鹹濕淫蕩黑暗嘅一面，你又有冇諗過女人最大嘅性幻想係乜嘢呢？
呢個就係我哋今集MTFU探討嘅重點，繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 首先想講嘅就係：其實好多女人，係比起大部份男人想像，更加鍾意享受需要更多嘅性愛，
佢哋係比起男人有更多有創意更瘋狂更痴線更變態嘅性幻想。
所以如果你仍然好似expert Dickson咁樣覺得女人一定係純潔嘅天使，將女人無限美化推崇成為一種毫無雜念嘅生物，
咁樣我唔該你睇下Nancy Friday’s嘅《My Secret Garden》，你就會睇到女人內心對性嘅真正慾望。
＃2 可能依家你會問我：『Man神，女人嘅思想係咪真係咁污糟咁邪惡咁dirty呢？』
Well，根據加拿大魁北克嘅蒙特利爾大學嘅科學研究，科學家團隊幾年前終於揭露咗女人sexual fantasies嘅真相。
研究團隊訪問咗1,517名加拿大人，包括799名女性，關於佢哋最常出現嘅性幻想：
例如話最純潔嘅雲呢拿性愛，去到一啲變態嘅禁忌譬如話喺對方身上屙尿等等，研究係包含曬一系列嘅性幻想例子。
＃3 喺我準備開估揭露真相之前，我想各位巴打要記得一點：
就係如果你仲未同條女上床好幾次嘅話，你係唔應該嘗試發掘某條女嘅性幻想！
原因就係，正如我前幾集所講：
當你同女人上床之後，好多時佢都會對你產生某程度上嘅emotional attachment，開始對你產生情感上嘅連繫；
因為佢選擇咗對你『公開自己』，喺你面前展示自己軟弱／vulnerable嘅一面。
咁所以如果你同條女做都未做之前，就咁快喺度問關於佢嘅sexual fantasies，你好大機會就會嚇走佢。
佢會覺得你一係一個變態佬，一係你個腦除咗對性愛有興趣之外，就根本完全冇其他話題可以講！
相反，當你同條女做咗好幾次之後，
你哋各自雙方都會更加容易『打開自己』，佢就會更加願意去分享自己一啲性幻想比你。
＃4 Anyway， 究竟女人有乜野性幻想好想做，但係從來冇同你親口講呢？
第一樣就係，超過七成嘅女人都表示自己會幻想被佢嘅伴侶自慰。
對於男人嚟講，手淫簡直係易過食飯，
基本上你係唔需要任何特別工具或者特別環境都可以做得到，超級簡單快捷。
但係對於女人嚟講，如果佢需要開聲同你講話想你幫佢自慰嘅話，
好多時佢都會覺得有啲怕醜甚至有啲自私，去叫你幫佢咁做，所以佢一直keep住呢個fantasy比自己。
所以下次你同女人搞嘢嘅時候，請巴打你認真花多少少時間用手去開始前戲；
我保證如果你首先用手令女人high爆嘅時候，你哋之後做愛雙方都會投入享受好多！
＃5 第二樣女人最想要嘅性幻想，亦都係大部分人走漏眼忽略咗嘅就係：
女人係想要一啲非常浪漫充滿情感非常emotional嘅性愛。
雖然聽落好平凡，但係呢種嘅fantasy係喺童年嘅時候已經植入女仔嘅大腦之中。
你都知道女仔係比起男仔更早熟，
所以好多時佢哋睇緊迪士尼電影嘅時候，其實已經開始成日諗住一啲浪漫嘅情節。
之後隨著年紀增加，隨住佢開始認識性愛，
佢就會將好多喺電影見到嘅『極端浪漫』情節同性愛連繫，就會好想做愛嘅時候都會感受到激烈嘅浪漫氣氛。
咁就解釋咗點解超過92%嘅女士都會有『希望做愛時感受到浪漫情感』嘅fantasy。
另一樣嘢就係，85%嘅女士話自己會幻想『係一個浪漫嘅地點做愛』。
咁所以巴打你明白咗以上兩種fantasy之後，
如果你同某個伴侶好夾嘅話，下次你又可以點樣令大家嘅性愛更投入享受呢？
＃6 最後第三樣最多女人都想要嘅性幻想，就係喺公眾場合做愛！
超過81%嘅女人都表示自己曾經幻想係一個『異常』嘅地方做愛，亦都有接近60%嘅女士表示希望喺公眾場合公開地做愛。
原因就係公眾場合做愛係一種社會上嘅禁忌，
好多時愈係禁忌嘅嘢，越係有危險性越係『曳曳』嘅事情，女人愈係會覺得呢種fantasy夠刺激興奮。
所以除咗一啲浪漫嘅情感性愛之外，巴打你又會唔會夠膽同囡囡去做一啲咁刺激嘅活動呢？
＃7 最後想講嘅就係，當你明白咗以上女人最想要嘅fantasies之後，你係可以透過三部曲去將幻想變為現實。
第一步就係：透過你慢慢打開自己嘅fantasies，你就可以慢慢引導女人打開自己嘅fantasies。
當你肯行出第一步去揭露自己軟弱真實嘅一面嘅時候，女人就會更加容易去透露自己嘅黑暗面。
第二步就係：請你循序漸進，唔好太快將所有性幻想現實化。
譬如話下次你哋做愛嘅時候，你係可以喺屋企安全地幫佢自慰先；
但係如果你貿貿然決定喺天台做愛，你哋就真係要諗清楚先好做！
性幻想之所以喺性幻想，就係因為『齋諗唔做』係可以好high好安全；
但係有啲性幻想，譬如話同陌生人做愛，同動物搞野，甚至係被強姦，
呢啲嘅fantasies好多時只係得個諗字，女人根本唔想喺現實中發生！
咁所以第三步就係： 如果你真係想知道某條女想要啲乜嘢嘅話，
你下次『令佢好舒服』嘅時候，你就可以喺中途問佢一條簡單嘅問題。
你就可以同佢講：『啊，依家嘅你喺度諗緊乜嘢呢？』
由於你本身已經喺令佢好陶醉好high，當佢喺呢種咁舒服嘅狀態嘅時候，
佢就會更加願意打開自己話你知佢真正嘅sexual fantasies。
你學識以上三部曲並且了解以上所講嘅性幻想之後，
你就能夠令任何女人享受一啲佢從來都無機會享受嘅快感！
鍾意今集嘅話就畀個like我啦，我期待你嘅留言同你繼續交流！
希望今集幫到你！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，下集再見啦！