Yo！我喺MTFU嘅Man神啊。
農曆新年快樂呀各位巴打，唔知道新嘅一年你搞咗嘢未呢？
今集中後段探討嘅問題係非常緊急同嚴重，所以請各位巴打留心收聽！
男人同女人都會做唔同嘅嘢去嘗試『進入上床狀態』，去嘗試get into the mood。
對某啲男人嚟講，可能係睇住個女人自己喺度剝衫；
對另一啲男人嚟講，就係當女人坐喺你大髀上面，
又或者大家開始互相進入前戲嘅時候，最能夠令到自己撻著…
但係你又知唔知道，
十對有至少一對嘅情侶喺做愛嘅時候，因為某一方做咗某一個行為，係會馬上令到性愛滿意度減低呢？
嗰個行為又係啲乜嘢呢？
呢個就係今集MTFU探討嘅重點，
繼續去協助你成為一個更有力量，更有吸引力，更有影響力嘅現代雄性男人，活出一個更有激情嘅生命！
＃1 根據弗吉尼亞大學一名心理學研究生Kostadin Kushlev嘅研究，佢發現你點樣用智能電話係會絕對影響你嘅心理狀態。
有接近95%既人依家係會喺社交場合用電話，有大約70%係會工作時期用電話；
更驚奇嘅係佢哋發現，原來至少有10%嘅人喺做愛嘅時候都會check電話！
＃2 點解呢一樣喺咁影響啪啪滿意度呢？
Well，你都應該知道：
令人身心舒暢嘅性愛，係需要雙方嘅active presence，雙方絕對嘅專注同埋不斷嘅溝通。
而你同女人上床之前，你可能都需要考慮一系列嘅因素，譬如話：
－究竟條女想唔想做愛呢？
－究竟條女身體上思想上情感上ready好未呢？
－究竟你自己身體上思想上情感上ready好未呢？
－究竟你哋雙方今次要做幾多前戲呢？
－究竟條女prefer你支配性啲，定係順從服從性啲呢？
－你哋會點樣有效地滿足大家嘅需要呢？etc.
如果某個人唔係100%同你『人在心都在』嘅話，你哋係絕對唔會得到爆炸性美麗動人嘅瘋狂性享受！
就好似你工作得太攰或者飲醉酒嘅時候，會影響你性功能一樣；
你能唔能夠集中精神處理一件事嘅能力，係絕對會影響你一切嘅表現！
＃3 點解呢一樣嘢咁恐怖呢？
之後再搵到一段Ted talk叫做《How a handful of tech companies control billions of minds every day》。
裡面嘅講者叫做Tristan Harris，佢之前係喺Google到做產品設計員；
佢喺2016年離開咗Google，原因係佢發現咗一個好恐怖關於所有科技公司嘅真相…
佢發現原來幾乎每一間tech company，背後研發嘅產品－
無論係你部iphone其實係好似一部老虎機咁，定係你玩緊Snapchat嘅Snapstreaks（儲心心）／Facebook嘅notification／Instagram嘅stories－
所有嘅設計目的，所有寫出嚟嘅programming，所有背後嘅電腦演算，
全部都淨係想利用人類大腦同心理嘅弱點，去令到你對某一件科技更加依賴更加沉迷更加上癮！
因為我哋係會喺資訊無限嘅年代，
咁所以我哋嘅經濟就係一個叫做Attention Economy嘅環境，
邊個人攞到我哋嘅注意力就會得到最多錢最多power。
Anyway，我唔講咁遠住，
如果巴打你想知道科技點樣合謀攻擊緊人類嘅弱點嘅話，
如果你想知道唔同既公司點樣去爭奪你眼球嘅注意力從而牟利嘅話…
我強烈建議你去喺YouTube search『Brain Hacking 60 Minutes』
同『 Tristan Harris Ted Talk』睇下自己依家其實點樣暗地裏畀人操控緊！
＃4 我哋今集嘅重點就係：
如果你真係想增加你同女人做愛嘅滿意度，你哋兩個係絕對唔可以咁容易分心被distract嘅。
你唔好諗住教靜音或者擺埋電話喺一邊就可以無事，
因為根據 The Journal of Social Psychology所講：
淨係純粹有一部電話喺你視線範圍之內，你嘅集中力都會大大地被削弱，
你做任何嘢嘅表現都會受損，呢個就係所謂嘅The iPhone Effect！
＃5 咁所以如果你想增加啪啪美滿度嘅話，你係有三樣嘢可以馬上做。
第一，請你將所有嘅科技物品移離開你嘅睡房；
你搞嘢嘅時候唔該拎走你部電話／你部ipad／你部手提電腦等等。
第二，誠實啲同你嘅女人溝通，
讓大家知道最享受嘅係乜嘢，並且俾機會對方去為你滿足你嘅需要。
第三，多啲同你嘅女人研究唔同嘅玩法，
試下唔同嘅抽插位置，試下喺唔同地方做愛，玩吓唔同嘅玩具，投入下唔同嘅角色等等；
咁樣你哋先至可以增加性愛嘅variety同刺激感。
以上就係即時增加啪啪滿意度嘅方法，
請各位巴打運用並且開始留意科技公司係點樣密謀地去操控你嘅attention；
如果你再唔能夠脫離自己被數碼化刺激嘅話，
你所有嘅愛情／激情／健康／自由／成功／成就嘅夢想都會逐一破滅！
鍾意今集嘅話就畀個like我啦，我期待你嘅留言同你繼續交流！
喂！多謝咁多位巴打嘅踴躍支持啊，如果你想得到『10個溝女最常遇上嘅難題（…同埋解決方法）』，請你去到manthefvckup.com/freebook 去下載呢本43頁嘅免費書。
想睇埋今集文字blog嘅話，當然可以去manthefvckup.com啦！
同埋最後想睇埋每日update嘅Instagram，可以去IG search manuptoday，
下集再見啦！