Yo 巴打，喺2019年準備結束之前，我想問你一個問題：就係你有冇聽過 Suck Cost／沉沒成本呢個term呢？
『沉沒成本』就係講緊喺經濟學或者商業決策嘅過程之中，你有時喺會付出某啲嘢而得唔到回報嘅成本代價。
而我哋人類嘅心理亦都有一種叫做Suck Cost Fallacy／沉沒成本謬誤嘅bias，令我哋好多時沉溺喺過去已經投入並且唔能夠回收嘅成本之中，『覺得冇理由蝕比佢』而令我哋做出唔理性嘅選擇。
我相信你同我一樣，都試過因為某啲N年前發生嘅壞事情，而令到今日好灰，好唔開心，甚至好抑鬱…
但係我想你記住：『後悔』自己以前做咗或者無做某啲嘢，其實就係喺最浪費時間嘅行為。
因為『過去』已經唔存在喺當下呢一個時空，當年付出嘅成本已經收唔返彌補幫到；
咁所以對一啲無法修復嘅嘢，如果你仍然浪費時間去sad去喊去後悔去重複又重複訴苦講番發生咩事嘅話，你根本就係晒緊所有人時間。
或者你真係做錯決定，或者你真係太無知而令到其他人受苦…但係你繼續自責，繼續懷疑自己價值嘅話，你都係無補於事。
我唔理你2019年後悔啲咩：你要知道嘅係，改變得到嘅就盡力改變，改變唔到就接受；因為只有actions，只有行動先會喺呢個物質世界令你快樂。
無論喺你後悔自己體能差最後搞到俾人屈斷手臂，定係你後悔自己缺乏勇氣令到身邊嘅人被毆打，
定係你後悔自己淆底無同條女傾計約會，定係你後悔自己無足夠資源去支持你相信嘅運動…
…你將來唔想後悔嘅話，就唔該集中而家做你必須做嘅事情：包括體格上，人際關係上，兩性上，定係財政上。
最後俾個小例子你總結我今日講嘅嘢：
假設我俾咗$1000你過年…你聽日無啦啦唔見咗$500…
你會唔會因為淨返$500唔開心喺度喊，定係你會慶幸自己仲有額外$500，比起兩日前有錢呢？
N。O。W。當下就係唯一重要嘅嘢，過去同將來都唔存在。
所以你呢一刻會點樣決心行動做某啲嘢令你2020唔會後悔呢？
你會點樣確保自己唔會犯上2019返過嘅錯誤呢？
你會點樣打拼你嘅人生三大範疇去增強你嘅個人力量，去對抗暴政呢？
祝你聖誕節同新一年繼續搏盡無悔，繼續堅持爭取你嘅訴求，繼續一齊成為強者！
大家加油，Peace!