巴打無論你係邊度溝女都好，無論你玩咩game都好，一樣好重要嘅溝女技能，就係你有無能力去透過觀察力閱讀條女，去首先大概估到條女係咩人，之後先至溝佢。
好多時你學咗某啲pickup技巧，實戰時之所以會唔work，係因為你係錯嘅環境context裡面用，令到原本有效嘅工具都會變得無效。
咁所以今日想教各位巴打，溝女時可以點樣透過觀察力提升你嘅成功率。
＃1 第一樣你要評估嘅，就係當時嘅環境。
譬如話，你係任何地方某一日傳統地落吧落club。係你踏入個場果一刻，你要諗一諗：
今日係咪咩特別日子呢？呢一區同平時嘅地方有冇咩唔同呢？嚟呢個場嘅女人通常係咩背景呢？呢個場有冇咩特別主題呢？
驟眼睇，附近嘅人嘅年齡層係大概幾多到呢？今晚係咪ladies night呢？附近係咪大學區呢？呢個係高級地方定係普通hea啲嘅地方呢？
首先了解你處於嘅場地係非常重要，你係世界各地都用得著；因為如果你唔知道嗰個地方嘅context嘅話，你會好容易用錯招。
＃2 第二樣你要評估嘅，就係你目標嗰條女。
假設你已經大概明白環境係點，而你又gup中條女，呢個時候你就要開始遠處觀察佢一陣。
首先最重要嘅就係呢條女係咪已經比緊興趣signal你呢？佢嘅眼神，佢身體嘅方向係咪對住你呢？佢係咪不經意地玩頭髮，係你附近時雙腳係咁擺動呢？
如果佢睇唔到你，又或者未有signal，你就要調節一下自己嘅位置，睇下能唔能夠position自己係更有利嘅位置，攞到佢注意力。
另一樣你要觀察嘅，就係條女當時嘅外觀。
究竟佢著緊咩衫呢？佢睇落好似啱啱放工咁，定係擺到明特登着得性感暴露落嚟返工／搵食呢？又或者佢係咪相對保守，著住緊身牛仔褲+T恤，甚至帶埋結婚戒指呢？就咁睇，你覺得佢係咩學歷背景，工作背景呢？
你要明白嘅係，女人天生就係鐘意攞注意力，所以佢哋係會花勁多心機有策略地present自己，透過儀容去暗示自己嘅嘢。
所以你肯花少少集中力去了解你嘅target嘅話，你之後溝佢時所講嘅嘢將會更加有效。
＃3 最後第三樣你要評估嘅，就係當時嘅社交狀態。
意思係，你要睇下係嗰一個場合情境下，當時其他人係點樣interact。
譬如話：條女係咪同緊其他姊妹一齊呢？雖然通常都係，但佢嘅姊妹係咪全部都係佢附近，定係分散咗各自搵食呢？
你確定到佢嘅朋友圈之後，佢班frd又係咩樣咩背景呢？佢哋係咪比勁多注意力條女，小圈子自己係度玩，定係各人睇落都係想識下人呢？佢哋之間係識咗好耐嘅同學朋友啊，定係一啲可能都唔係太熟嘅同事呢？
係佢身邊嘅仔，係咪佢本身嘅frd，定係啱啱喺度認識嘅人，又或者定係本身frd但想溝佢嘅仔呢？
重點係：雖然以上好似好煩要問咁多問題，但以上呢3個範圍都係一啲你需要首先偵察嘅嘢，你之後先會容易調節得到用咩策略同佢應對。
無論係要好玩調皮少少，定係要顯得高地位classy少少；或者你要直接間接啲去打開話題；或者傾計應該傾到幾時先做takeaway等等…
…你都可以透過一開頭嘅觀察，得到一系列計算過嘅前設，令你所講所做嘅嘢更加hit中條女。
Anyway巴打，如果你想學習更多點樣應用你嘅觀察力係你嘅兩性關係上面嘅話，你就腥email去support@manthefvckup.com查詢加入Insider嘅詳情喇，因為我喺裡面會教各位內部巴打更多出面唔會提及嘅資訊。
鍾意今集嘅話，就Like呢段片同訂閱我地MTFU嘅channel喇；有咩問題，就下面留言比我知啦，下集見！