Yo! 我喺MTFU嘅Man神啊，歡迎嚟到新一集嘅ManTheFvckUp，
協助你成為一個更有力量，更有吸引力，更有影響力嘅現代雄性男人，創造你想要嘅夢想帝國。
＃1 各位巴打，如果你依家係住喺一個物質豐裕+消費主義嘅一線城市之中，咁喺你溝女嘅路途上面點都會遇上一啲拜金女；
小弟有唔少嘅private coaching clients，好多時都係一啲成功有錢有成就嘅achievers，有時佢哋都會有呢啲遇上拜金女嘅煩惱。
所以呢幾日我哋會一齊探討下點樣處理呢啲拜金女，
令到將來成功有錢有成就嘅你唔再糊塗地被佢哋剝削，保障番自己嘅財產權益同男人尊嚴。
＃2 首先你要明白嘅係，『嫁個有錢人』呢個concept已經係充斥著好多大城市起碼兩三代嘅時間。
再加上過去所有一線城市嘅迅速發展，『嫁個有錢人』呢個marketing term係已經深入唔少人嘅心；
唔少人已經畀呢種idea洗腦，男人就不斷希望透過搵大錢搵到女人嘅愛，女人就希望透過『嫁個有錢人』能夠令自己真正生活開心愉快滿足。
＃3 所以某程度上，最搵到錢嘅商業機遇，可能並唔係炒股買樓買六合彩爭遺產等等；
可能最大嘅商業機遇，就係處理所有結婚之後離婚嘅business，
因為短時間之內，好可能女人就能夠分你一半身家，無啦啦資產多左幾百幾千萬甚至幾十億。
＃4 當然我唔係講緊所有女人都係拜金女喇！
就算係喺物質豐裕嘅大城市，你總會搵到一啲性格好好，本質純良，有良心嘅好女人。
但係，你就要必須小心一啲濫用自己『樣靚身材正』嘅專業拜金女，
因為佢哋絕對係社會上面嘅predators，佢哋係會毫不留情地搶奪一啲弱雞嘅獵物；
而佢哋絕對係有高超嘅技巧去虛耗你嘅情感精神同財富，所以千祈唔好睇小佢哋！
＃5 呢啲拜金女之所以能夠鍛鍊一身高超嘅社交技巧，同埋操控男人嘅技術，
好可能係因為以往佢哋心理情感上嘅經歷而導致變成今日嘅『魔女』。
拜金女好可能細個嘅時候，大學中學甚至小學階段，
已經有啲有錢男仔嘗試透過錢同利益去取悅佢哋，去買佢哋嘅歡心。
＃6 好快地，呢啲拜金女就學識點樣去偵測一啲充滿neediness／依附性嘅男人，
佢哋更加學識點樣利用男人嘅neediness／缺乏自信，去製造一啲emotional dependence，
去製造一啲會依戀依附佢嘅男人軍團，不斷『娘娘收兵』。
咁所以一開頭就洗錢係女人身上嘅男人，好快就會被拜金女當作係beta male，
好多時拜金女都會睇下自己可以『從呢個弱雞男人身上撳到幾多錢』。
由於拜金女都係女人，佢哋都係享受男人嘅challenge。
所以每當佢哋揸乾完一個beta male provider嘅時候，佢哋就會『趙完鬆』，
之後就會轉移下一個目標，如此類推。
＃7 Anyway，你想唔想知道拜金女點樣去出招攻擊你呢？
你想唔想知道拜金女點樣潛意識地去利誘你去花錢喺佢身上呢？
你想唔想學識點樣防止自己再次被呢啲邪惡嘅拜金女，去玩弄自己嘅情感呢？
想嘅話就畀個like呢段片，
follow埋我哋IG （www.instagram.com/manuptoday）
跟住留意聽日分析拜金女嘅第二集！
希望今集幫到你！