巴打，我同你之所以會比出面嘅人更努力鑽研溝女學問，係因為我哋知道自己以前嘅成長經歷都係灌輸我哋以Beta男嘅方法去看待兩性關係。
我哋甚少天生就有好嘅role model教我哋點樣以Alpha嘅方式去諗嘢去行動去做人，
所以好大機會我哋嘅預設值就係以『對女仔好，無條件尊重女人，向心儀對象表白，彈結他唱生日歌送睥睥熊比佢』等等嘅Beta方式去女仔示愛。
當過咗廿幾三十年之後，我哋終於知道呢啲招數無效；而唔甘心想知道自己點解會失敗嘅人，就會主動開始研究溝女兩性對弈嘅學問。
問題係：喺你由Beta習性過渡去Alpha習性嘅階段，我哋間唔中都會唔小心收咗皮做一啲以前慣咗嘅柒嘢；所以係呢段成長進化經歷之中，我哋可以點樣確保自己可以殲滅餘下嘅Beta毒呢？
以下有幾點同各位巴打分享。
＃1 第一，呢一個Beta變Alpha嘅過程，其實係需要長時間過程先可以進化到自己，係一個幾乎無止境嘅way of being，你係需要一直透過意識去觀察自己嘅變化同埋兩性關係嘅變化。
意思係：無論你而家溝女有幾勁行為有幾Alpha都好，你都會間唔中fvck up少少嘢過唔到某啲shittest；
但係因為你有足夠嘅意識，你會比起其他人更快留意到自己做錯咩嘢，下次可以點樣做得更好，最後令你『內化』到更Alpha嘅特質。
咁所以，每次你有awareness catch到自己點樣瀨嘢，知道自己衰咩錯咩，肯謙卑地接受我教你嘅嘢並且下次改策略運用返嘅話，其實你就係比起出面『仲發緊夢』嘅人進化緊。
你越係可以透過改變自己舊有嘅溝女觀念，實驗一下新嘅ideas，適應係自己嘅情況裡面，咁樣你就係改變緊。
＃2 第二樣你要做嘅嘢，就係除咗你係自己溝女上態度行為有所改變之外，就係運用你新嘅睇法去觀察大部份其他人重複所犯嘅錯誤。
意思係：當你睇得多MTFU嘅片，尤其係兩性智慧嘅series，你會見到有幾多重複又重複Beta男所犯嘅錯誤，社會日常嘅interactions點樣繼續鼓吹無效嘅兩性觀念，點樣繼續鼓勵男士無條件支援女人嘅幸福。
當你認清兩性真相後，再睇番平時嘅音樂歌詞，中港台日韓嘅劇集，海外本地嘅電影，電視賣廣告，平時食飯聽到嘅閒言閒語等等，
你都會更加明白大眾嘅兩性觀念同你而家全新mindset嘅分別，並且知道點解佢哋嘅思維點解係鋪緊路令自己將來收皮。
＃3 第三樣你要做嘅嘢，每逢你改變你自己，尤其是你嘅性格行為同習慣，認識你耐嘅人就幾乎必定想將你拉返去舊有熟悉嘅位置。
尤其是女人，唔多唔少都想透過羞辱去奚落你，迫你唔好改變，迫你『做返自己』。
咁所以，既然你知道身邊嘅人都係需要一定程度對你嘅『可預測性』，你改變嘅時候就要暗地裡自己去做，唔好太快太高調地改變，唔好威脅到其他人對你嘅『固有形象』。
因為除咗你可以避免不必要嘅爭拗衝突之外，你更加可以係呢段過渡Alpha嘅期間，令到你嘅改變顯得更加自然，令其他人更加容易接受新嘅Alpha你。
＃4 最後一樣你要做嘅，就係你要學識點樣唔好咁快同條女『產生感情』，學識點樣好好控制自己嘅情緒，唔好咁容易係唔適當嘅時候變得感性。
你要明白：Beta溝女嘅預設值，就係想毫無保留地分享自己所有諗法，赤裸裸地抒發自己所有感受，抹煞所有神秘感，從而希望條女會鍾意自己。
雖然我唔係叫你要做一個毫無情感嘅機械人，但係你要知道自己嘅任何嘢都有value，所以就算你要抒發感受，你都要條女賺取到返嚟，你先至分享你自己更多嘢。
咁所以最後一樣你要做嘅嘢，就係即使你好想嘔晒所有嘢比條女知道，你覺得唔講唔舒服都好，你都要控制好自己情感，深入了解點解自己咁容易情緒化，了解點解咁容易『鐘意條女』。
重點係：當你重覆練習拋棄自己嘅舊習慣，重覆練習運用新嘅行為模式；你就唔會咁衝動跌返落你舊有嘅Beta自己，而開始成為你期待嘅Alpha自己。
當你利用以上呢四點去一步步作出改變嘅話，你就可以隨時間演化出全新嘅自己!
巴打如果你想學習更多點樣應用呢啲兩性智慧係你嘅感情生活上面嘅話，
你就腥email去support@manthefvckup.com查詢加入Insider嘅詳情喇，因為我喺裡面會教各位內部巴打更多出面唔會提及嘅資訊。
鍾意今集嘅話，就Like呢段片同訂閱我地MTFU嘅channel喇；
有咩問題，就下面留言比我知啦，下集見！