Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
我哋一年幾日講咗好多關於Neediness嘅嘢，今日就等我好快教你點樣去正確地展現自己嘅Non-Neediness啦。
首先你要明白，你一定要由情感上／感覺上嘅層面去表達你嘅獨立性，
一定要由emotional and sensory level去入手，而唔係用你嘅邏輯／logic上嘅層面。
你應該有聽過Attraction is NOT a choice，吸引力並唔係一種選擇，呢一句名言架可？
意思就係，你唔可以用理性嘅理由／原因去說服女仔同你一齊，
女仔一定要『對你有feel』，佢一定要對你有『情感上嘅觸動』，先至會鍾意你，無限遐想你。
長遠嘅交配價值，女人當然會略略睇你嘅社會地位，財富，健康等等嘅表徵。
但係整體交配價值，無論長期或者短期嘅mating，
女人都係主要睇你嘅behaviors，所以你需要去demonstrate／展現你嘅價值，而唔係得把口『聲稱自己有幾叻』。
所以進化論嘅優美之處，
就係女人識得唔好聽你嘅甜言蜜語／自吹自擂，你嘅verbal game有幾勁都只能夠去到某一個限度；
女人係識得睇得深層次一啲，去審視你同人相處嘅行為，
因為你嘅behaviors係一啲比較可靠嘅情報，去透露你係咪真係一個高價值嘅男人。
講大話係好容易，但係『行為上嘅大話』將會係難扮嘢好多。
至於點樣正確地展現自己嘅Non-Neediness，好簡單嘅方法有兩種：
＃1 就係你嘅Mental Dominance，思維上嘅支配性。
例如你嘅frame夠唔夠強勁，喺咪女人講咩你都認同呢？
或者人哋challenge質疑你，你會唔會咁容易動搖，放棄自己嘅諗法？
例如你有冇自己肯定嘅信念，有冇自己嘅意見，有冇自己一套嘅價值觀／世界觀 ／人生觀，人哋問你嘅時候，你係咪會願意去分享自己嘅睇法呢？
又例如你有冇同女仔傾計嘅一啲強勁嘅assumptions，你係假設呢個女仔唔鍾意你呀？
定係你一早已經假設咗，無論呢個女仔做啲咩，你都假設佢係鍾意你，假設佢係想用盡方法氹你上床呢 ？
＃2 就係你嘅Sense of Humour，你嘅幽默感。
好記得某一年高考中化一篇嘅閱讀理解，講過話『幽默是智慧的表情』，真係講得好撚啱！LOL
但係考評局無講到，一個幽默嘅男人之所以咁吸引，
係因為佢對於結果嘅detachment，佢對人哋有冇反應嘅『不在乎』，佢根本『無意圖令人笑』嘅不羈。
一個搞笑嘅男人（當然唔係搞爛gag），通常都係一個識得 let go of outcome，識得冒險去做一啲充滿不確定因素嘅嘢嘅男人。
所以呢啲都係展現你non-needy嘅行為特質。
Anyway，我相信呢幾日你聽咗咁多，你都開始明白non-needy嘅重要性，係一個有吸引力嘅男人不可或缺嘅特質。
所以請你停止需要人哋話你『好特別／好美麗』，
停止需要人哋話你『好叻仔／好乖／好聰明』，停止需要人哋同你講『我愛你』，
唔好再依賴外界嘅任何人或事物去滿足你，
唔好再依賴你嘅女人去令你『無咁寂寞』，
唔好再白痴地相信『世界上係有永遠永遠／世界上有唯一嘅荷里活式真愛』，
你想成為一個型男，
唔該你由今日開始正式成長，
正式鍛鍊你嘅獨立性，
正式以你嘅life purpose為中心去活你嘅生命，
正式唔再需要任何人去令你生命變得完滿。
希望呢幾集幫到你！