巴打，你同女人傾計嘅時候，你會唔會成日擔心唔知道自己要講啲咩呢？
又或者當你地講講下講咗啲悶嘢或者充滿邏輯性嘅話題，你又識唔識得點樣處理呢啲情況，令到佢唔會因為悶而走人呢？
要令女人愛上同你傾計，其實只需要根據幾條小原則就可以做到。
今日我就想喺下面好快教你點樣透過對話令女人慢慢open up自己，從而令佢更加快同你產生情感上嘅連繫，最後不得不愛上你！
＃1 首先第一大原則就係：你一定要將成個對話嘅focus盡量放喺條女身上。
因為世界上任何人最重視嘅都係自身利益，咁所以如果你講一啲關於條女嘅嘢嘅時候，好多時你都能夠令到佢更加感覺同你connected。
所以你傾計期間，你係絕對冇需要係咁講自己野，冇需要透露太多關於自己嘅嘢；
你要嘗試拿捏一下中間位，既可以令到佢大概get到你個人嘅深度或者色彩，
但係同時間又唔會講得太多令到佢覺得你特登show off自己嘅價值，喺度曬命講到自己有好多女朋友，又或者去過幾多次精彩嘅旅行等等。
你係需要自己feel下講到咩位先至係中間位，咁所以你就要鍛鍊下點樣可以講啲唔講啲保持神秘感，但喺同時唔好太過健談喺度嘔曬自己嘅嘢畀佢知。
＃2 當你可以盡量將焦點放喺條女身上之後，你要遵守嘅第二大原則就係：盡量將成個對話keep住喺一個情感上嘅位置。
意思即係話，如果你喺度同佢講天氣有幾好，講佢做嗰份工嘅數據事實，又或者任何充滿邏輯推論性嘅話題，逐點同佢分析最近時事發生咩事等等；
就算條女肯同你講呢啲嘢，你最終都係注定會自我收皮！
因為女人真正care嘅嘢，就係一啲佢感受到關於emotions嘅嘢：譬如話佢嘅夢想，佢嘅人際關係，佢嘅感情生活，佢熱愛做嘅事情，又或者一啲充滿高低起伏情感嘅故事（
例如你間唔中提及一啲冒險性刺激興奮嘅經歷，或者某本小說裏面浪漫嘅情節，又或者一啲好曳好驚好唔安全令你個心卜卜跳嘅故事等等）
所以記住你同條女嘅對話盡量都要保持喺一個情感上嘅位置，而唔係一個邏輯思維理性分析嘅沉悶位置。
＃3 最後第三大原則就係：你係需要透過對話慢慢令到條女證明／qualify自己價值比你睇，然後你主動去認可／approve佢。
譬如當佢之前同你講話鍾意去旅行探索新嘢或者做某啲極端少少嘅運動，
你就可以講類似話『你鍾意一啲夠冒險性鍾意試新嘢嘅女仔，因為咁樣性格特質嘅人喺呢個年代越嚟越少，個個都淨係識得匿埋喺部電話後面上網睇片。』
你咁樣做除咗可以令佢感覺你好似都幾了解佢內心之外，你其實亦都係setup緊一個『你揀佢／你挑選佢／你認可佢』嘅框架，令佢之後會更想從你身上攞validaiton。
又或者調返轉：當條女講咗一啲佢唔鍾意但係你鍾意嘅嘢嘅時候，你就可以略略講話：『O…係咩？我又覺得嗰樣嘢幾好喎。』
如果呢個時候條女有少少矯正返自己，同你講番話『唔…或者有時你都講得啱嘅，嗰樣嘢都未必咁衰…』類似認同返你嘅說話嘅話，你就可以知道條女係想繼續同你有rapport，係一種好嘅訊號。
＃4 Anyway 巴打，以上三條短短簡單嘅原則， 你係隨時隨地可以應用喺任何同女人傾偈嘅時候。
當你將焦點放喺佢身上，唔好講咁多嘢，唔好量度諗太多嘅話，
你就會開始發現你唔單止可以讓條女傾計更加投入，你亦都會觀察得到條女更加落力投資喺你身上，更快被你吸引！
如果巴打你有興趣學習更多更深入類似今集嘅溝女內容嘅話，
你可以電郵去support@manthefvckup.com，去查詢關於我哋MTFU Insider嘅完整深入課程喇，
因為除咗我哋會教導你關於兩性關係同埋成功嘅技術之外，我哋亦都會講及一系列類似今集關於兩性嘅知識，令你更加了解自己，繼而吸引到你想要嘅女人。
如果你覺得今集有價值鍾意嘅話，就請你Like呢段片，訂閱我地MTFU嘅channel並且分享出去喇；
因為你嘅支持喺能夠幫到我哋成長，繼而製造更多價值比你。
有咩問題，就下面留言比我知啦，我哋下集再見！