Welcome to <A Billion Wicked Thoughts/十億個邪惡的念頭> Ep.11，上集我哋講咗關於女人想要咩類型嘅男人，今集我哋將會探討更多女人嘅心理慾望，令你知道點樣將自己演變成一個被女人渴求得到嘅男人。
如果巴打鍾意咁嘅題材嘅話，就請你而家率先Like咗呢段片同訂閱我地MTFU嘅channel喇！
重點＃1 其中一個最基礎+最有影響力嘅心理訊號，就係女人想感受到自己喺『被男人無法抗拒』，感覺自己性愛上喺irresistible，感覺自己夠性感被男人好想要自己。
呢樣心理慾望就解釋咗點解女人咁鍾意喺社交媒體攞更多likes攞更多注意力；
咁當然，如果我哋講緊性慾嘅話，女人喺想要一個我哋之前幾集提及過嘅男英雄，果種型男對佢壓倒性嘅性慾望，而唔係求其一個核突廢男嘅性慾望。
男人嘅性慾喺『向外』，集中地完全focus喺條女嘅身體上；
但女人嘅性慾喺『向內』，除咗男英雄嘅外表之外，佢都著重個男人嘅性格特質，會透過自己內心嘅感覺先至會潛意識地確定會唔會釋放性慾。
好多時，女人嘅『自尊』喺會根據外界嘅反應而浮動，需要不斷嘅照料同支持先會有『自信』；
但喺浪漫小說中嘅男英雄，永遠都有一種『超強自我』，甚至有啲過份自信沾沾自喜嘅感覺，但女人嘅自尊會因為男人嘅『極度自我』而提升自己嘅自信。
正因為女人咁鍾意『被男人好想要自己』，女人喺鍾意不斷展現暴露表現自己，亦都係點解女人會腥裸照比情人嘅原因。
但呢種 irresistibility 嘅心理需要有時喺一種負累，因為女人好多時會因為擔心自己嘅身材唔好或外表唔夠吸引，令到佢進行親密性愛時唔能夠盡情投入享受。
重點＃2 非常政治不正確嘅真相，就係極多女人嘅性幻想，都係含有被襲擊被威逼恐嚇被強暴嘅元素喺裏面。
雖然好多女士都會澄清話性幻想唔等於想喺現實發生，但好多女人鍾意睇嘅情慾小說都係含有被奚落被虐待被凌辱被強暴嘅情節喺故事裡面。
當然你要記住，女人喺比較享受呢啲情節裡面情感嘅細節，多過一啲實質身體上被暴力對待嘅畫面。
咁所以喺現實之中，女人希望得到嘅感覺，就係佢需要屈服喺一個有力量夠吸引力嘅男人之下，服從聽命於呢個男人，然後感受一系列帶有危險性，有刺激感，有激情嘅實際關係！
當女人可以扮演一個『好無辜缺乏性愛經驗』嘅女人，然後被強迫屈服於一個強大具支配性嘅男人之下嘅時候，就係好多女人內心想要嘅性幻想！
重點＃3 女人喺想要一個已經被其他女人渴求得到嘅男人，一個已經被其他女人『佔有』嘅男人。
點解女人咁鍾意同人爭仔爭老公？
好簡單，就係因為一個已經有囡想要嘅男人，就係代表一個『被女性認可』有質素嘅男人，所以其他女人都會更加想要咁受歡迎嘅囝。
就好似灰姑娘嘅故事一樣，除咗灰姑娘之外，佢果3條八婆嗌呀家姐，同埋全城嘅女人，都係想爭王子返黎；
而女人嘅心理慾望，就係想要一個『可以擁有世界上所有女嘅男人，但最後只有佢自己可以贏得到王子芳心，令佢最後鍾意自己』嘅慾望。
呢個就係點解『貧者越貧，富者越富』，越喺多女嘅男人就會越多女，越喺無女想要嘅男人就會越無女。
所以巴打千祈唔好做一個『隱世嘅智慧居士』，你想有多啲嘅女人選擇嘅話，你就一定要做一個具支配性喺社會打拼嘅領導者，被人仰慕尊重你先會被女人渴求得到。
最後關於女人嘅心理慾望就係：當女人唔係互相爭仔嘅時候，佢哋通常都會成班姊妹坐埋一齊，喺度問大家意見關於某條仔嘅睇法，關於自己嘅感情，性生活，健康，飲食，潮流等等嘅感受。
女人收咁多風，就係因為佢想知道邊啲仔更值得長遠投資，更值得去爭返嚟；
而亦都喺咁，所以女人之間嘅感情通常都係『又愛又恨』，又需要大家嘅料但又唔想姊妹搶咗自己嘅心儀目標。
咁所以巴打，你又會點樣塑造自己成為一個會被爭嘅高價值男人呢？歡迎你喺下面留言話我知。
如果巴打你鍾意今集嘅話，就Like呢段片同訂閱我地MTFU嘅channel喇。
我哋下一集就會講埋呢本書Ch.6嘅下半部份，聽晚見！