歡迎嚟到 <A Billion Wicked Thoughts/十億個邪惡的念頭> Ep.19，今集我哋會講吓咩叫做支配性，同埋點樣透過dominance呢種特質，增加你吸引異性時嘅功力。
如果巴打鍾意咁嘅題材嘅話，就請你而家率先Like咗呢段片同訂閱我地MTFU嘅channel喇！
重點＃1 原來社會上嘅支配性，同性愛上嘅支配性喺會涉及大腦唔同部份。
所謂嘅『社會支配性』，就係講緊你嘅社會地位，幾乎係男性專有嘅特質；而『性愛支配性』，就係講緊一個人搞嘢時物理上嘅角色。
咁所以social dominance同sexual dominance 兩者，係有關係但不同嘅特質。
我哋之前Ch.5，第9第10集，就講過話女人喺會尋找Alphas為交配對象，會傾向鍾意較有支配性嘅聲線，氣味，步態等等。
只要某種行為含有支配性嘅元素，女人都鍾意。
而男性『社會支配性』嘅程度，好多時都係被佢嘅睾丸酮指數影響；
睾丸酮越較高，男士生理上就會越想競爭，各方面就會越有侵略性『想贏』，所以高睾丸酮嘅男性都有更大嘅能力去『戰鬥打拼』，全部都係有吸引力嘅Alpha特質。
作者指出嘅一大重點就係：無男人天生就係有支配性！
Dominance呢種特質，係男人必須努力奮鬥攞返嚟，而喺呢個過程佢會有機會失敗。
雖然某啲男士天生身體或性格上可能有優勢，容易啲訓練到自己嘅支配性特質返黎；
（譬如話佢較高大，上身嘅體能力量較強，把聲夠厚夠大聲夠低沉，性格一向好鬥有衝勁，做嘢意志堅定百折不撓等等…）
就算男士有咁多優勢，支配性都係需要透過同其他男士嘅社會互動先可以賺取返黎；
咁所以social dominance 喺靈活而有流動性，而唔係天生就係男士嘅大腦裡面。
呢樣嘢重要嘅原因，係因為『社會支配性』喺會影響男士財政上嘅成就，影響佢吸引女人嘅能力，同埋直接影響佢嘅性取向。
所有具『社會支配性』嘅哺乳類動物都會有較高嘅性慾；當男士變得更具支配性時，佢身體就會釋放更多睾丸酮，令到佢性慾更加旺盛。
所以睾丸酮指數夠高嘅男士，就會比起其他人更早破處，有最多嘅性伴侶，更有能力說服女士搞嘢，同埋最重要擁有最高嘅性慾。
重點＃2 我哋頭先所講嘅『社會支配性』，似乎喺一種由前額葉皮質／prefrontal cortex控制，所以我哋喺有意識地去評估其他人嘅社會階級，同埋我哋有冇足夠社會資源或支持，去增加自己嘅地位。
但係掉返轉，『性愛支配性或者服從性』，就係由下丘腦／hypothalamus控制，男人女人各自都有sexual dominance或 submission嘅電路。
就好似一個銀仔有公有字，但係我哋每次見到嘅，就一係公一係字，永遠唔會兩面一齊見晒。
就算某啲人可以好flexible地有時enjoy插人但有時enjoy被插，呢種嘅『轉軚』都係算少數，大部份人都係傾向只揀一種。
由於男士嘅睪丸酮通常都係高過女士十幾倍，咁所以大部分男士都係努力爭取更多控制權與征服，而大部分女士都係努力爭取更多共識與平等。
即使女人鍾意伴侶具有支配性，大部分女人都無逼切嘅野心去成為女性嘅Alpha Female。
整體嚟講，女人都係想避免身體上嘅鬥爭同個人衝突，通常會選擇以一種友好親民關心嘅態度去建立強大嘅個人網絡，去暗地裡支配世界。
重點係：雖然男人女人嘅性慾都係有彈性，但男士普遍傾向性愛上支配對方，而女士普遍傾向性愛上被對方支配，但女人係會享受睇浪漫小說，因為佢哋可以探索一啲較為複雜嘅性慾望。
下一集返嚟，我哋就會講下究竟社會支配性同性愛支配性有咩關係，同埋總結一系列男人同女人各自性慾上嘅機制同訊號。
如果巴打你鍾意今集嘅話，就Like呢段片同訂閱我地MTFU嘅channel喇。
有咩問題，就下面留言比我知啦，下集見！