Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
嚟到超男之道系列嘅第18集，
今集叫做 Praise Her，稱讚女人。
作者意思係：
雄性男人係需要challenge挑戰先能夠成長，但係雌性女人係需要praise稱讚先能夠成長。
例如男仔細個嘅時候，你其他男仔friend可能會挑戰你話『我估你實跳唔過呢條欄桿啦！』／
『屌，仲講咁多，飲啦仆街！』lol
去到軍營軍訓嘅時候，
你嘅上司教練喺會不斷踩你，不斷話你廢柴，不斷侮辱你要求你做得更加好。
所以雄性男人係習慣咗去challenge人哋去挑戰佢哋嘅成長進步。
但係雌性女人同時間係需要support支持同praise稱讚。
所以如果你係想佢有更多動力去做運動，你係應該同佢講『啊，我好鍾意你依家咁苗條身材』，
而唔係同佢講『我希望你遲啲唔好增磅肥咗啦。』
所以你想女人有乜嘢特質，你就應該你用『稱讚』去擴大佢嗰一方面嘅特質；
『你笑嘅時候笑容好靚』係會比起『你皺眉頭嘅時候好樣衰』更加有效，雖然兩者都係表達你鍾意佢嘅笑容。
Praise稱讚係雌性女人嘅精神良藥，
如果你想你嘅女人健康啲，開心啲，充滿愛多啲，有深度啲，聰明啲等等，你就應該稱讚佢哋相應嘅特質。
呢一點對好多男人嚟講係好難學得到嘅，
但係如果你想女人擁有一啲『未算值得讚，但係你又想去將來擁有嘅特質』，
你就一定要透過『稱讚』嗰啲特質，去令到女人將來變成真正擁有個樣特質嘅人。
換句話嚟講，
praise the tiny quality that you want her to grow。
你想佢減肥啊？
稱讚佢『當佢流汗嘅時候，當佢不斷旭動對身體嘅時候，你覺得佢好sexy』，而唔係畀十個原因點解運動對身體有十萬樣好處。
你唔想佢成日撳電話啊？
稱讚佢話『你好鍾意佢每次同你出街嘅時候都好專心，享受每一個moment』，而唔係『你可唔可以唔好係咁玩電話呀？』。
你想佢變得聰明啲啊？
稱讚佢話『原來佢攞起本書睇嘅時候個樣好有氣質 』，而唔係『欸，你得閒睇下書啦，咩都唔識好蝕底㗎喎。』
稱讚係有效，information資訊係無效。
最後想提醒巴打嘅就係：
今集嘅『稱讚』係比較適用於一啲已經喺埋一齊，長遠相處緊嘅情侶身上面。
如果你只係啱啱識個女仔，又或者只係同佢出過幾次街，
你就冇需要咁快係咁去稱讚佢住。
喺你同佢有第一次穿透性嘅身體接觸之前，
太多嘅情感連繫，太多嘅emotional connection，
太多嘅稱讚欣賞，太多嘅舒服感覺，太多好夾好啱傾嘅行為，
係會引導到你哋變成大家嘅best friend，而唔喺令佢對你有性緊張感嘅有性關係伴侶。
唔好搞錯次序，
唔係嘅話，你又會墮進friendzone嘅深淵裏面喇！