Yo! 歡迎嚟到新一集嘅ManTheFvckUp，喚醒你嘅雄性力量，征服你嘅戀愛世界。
恭喜曬已經下載免費43頁溝女書嘅巴打們，相信你開始明白10樣女人暗地裡想你知道嘅秘密。
仲未下載嘅話，可以㩒一下片中description嗰條link，或者去manthefvckup.com/freebook 去下載呢本書。
根據2016年日本衛生福利部嘅數據，香港嘅女人嘅平均壽命係87.32年，而香港男人嘅平均壽命81.24年，咁樣代唔代表你真係仲有好多年時間去創造你嘅夢想呢？
假設我哋每個人只可以活到80歲，你由20歲開始做嘢，你好勤力工作做到70歲，咁即係話你會有50年喺地球上立足，創造你嘅傳奇。
假設一年365日你有260日工作，咁即係話你有13,000個早上可以去令一啲事情發生。
我唔係想去嚇你，但係如果你已經係30歲， 咁你就淨返大約10,000個早上。如果你已經40歲，咁你就淨返大約7,800個早上。
45歲？咁你就淨返6,500個早上。
50歲？咁你就淨返5,000個早上。
60歲？就嚟仆街啦，你淨返2,600個早上。
所以我想問你，係今日嘅早上，你又做過啲乜嘢呢？
係聽日嘅早上，你又會做啲乜嘢令到自己可以向夢想行近多一步呢？
親，你冇乜時剩喇，你係咪仍然會好似大部份人咁樣去浪費你餘下嘅日子，然後後悔莫及呢?
你聽清楚：
你喺個地球上係有原因㗎，係有目的㗎，你作為男人係有一個屬於你嘅『英雄旅程』，有一個宏大嘅冒險行動，一個有意義嘅任務，what are you going to do about it!?
Come on man，唔好再令到你有一個早上係虛無飄渺，漫無目的，戇鳩鳩地咁樣過，
每一日你都喺度同自己倒數緊，每一日都係好重要，每一日都好可能係你最後嘅一日。
但係你要去有意識地令到嗰一日變得重要，你要有intention地去take action令到嗰一日變得有意思；
你諗下過去嘅日子，你又有幾多個早上係完全被你浪費，令到你嗰一日毫無意義地咁樣過？
如果你覺得有任何一日係冇特別嘢發生，冷酷嘅真相係因為你冇去take action令到嗰一日有嘢發生。
係呀，依啲咁寶貴嘅日子已經冇咗喇，你冇可能再攞番佢哋喇，你永遠都無法再補救架喇。
好痛苦呢？
冇錯，時間就係你所擁有嘅嘢，而時間喺係我哋依家傾計嘅時候每一分每一秒都到期。
你聽唔聽到啊？Tick Tick Tick…
咁可以點算呢？
如果你依家30歲，咁你好可能已經嘥咗3,000個早上。
40歲？5,200個早上已經走咗。
45歲？一半已經無咗。
50歲？8,000個早上。
所以我再問多你一次:
你今日會做啲乜嘢令到你今個早上變得有意義呢？
你聽日會做啲乜嘢令到你邁向你嘅夢想多一步呢？
你會有啲乜嘢實際行動，令到你可以正面影響自己嘅人生，甚至可以正面衝擊其他你關心你care嘅人嘅人生呢？
唔好再日日喺度嘥時間睇所謂KOL嘅生活有幾精彩啦，係時候你每一日去take action去令到自己同你關心嘅人生活變得更加精彩，peace!